29 нчы апрель көнне Норма авылында, Сабиров Ленар истәлегенә үткәрелгән волейбол ярышларында, 1996 — 97 нче елгы кызларыбыз командасы III урынны яулап кайттылар. Команданың тренеры Рөстәм Шайдуллович та мактау грамотасы белән бүләкләнде.

 1 нче май көнне Мифтаховлар гаиләсе район күләмендә , әти – әни һәм балалар арасында үткәрелгән спорт ярышында катнашып кайттылар.

30 апрель барлык класс укучылары һәм укытучылар дәресләрдән соң язгы өмәгә чыктылар. Мәктәп яны, авылдагы чишмәләр яны чистартылды, чүп-чардан арындырылды.

29-апрельдә мәктәбебезнең 3 нче сыйныф укучысы Гафарова Гөлгенә районда уздырылган “Кызыклы шигырьләр” һәм “Г.Тукай шигырьләрен иң оста башкаручы” конкурсларында катнашты. Әлегә кадәр без Гөлгенәне оста җырчы буларак белсәк, хәзер ул үзен нәфис сүз остасы буларак та танытты.

Бүген классларда парламент дәресләре үтә. Дәресләрне тарих һәм җәмгыять белеме укытучысы Гиниятуллина Р. М. үткәрә

Хөрмәтле хезмәттәшләр, укучылар Сезне 1 май бәйрәме белән тәбрик итәбез

Мәктәбебездә парклар маршы үткәрелде. Быелгы бәйрәм Балтач тыюлыгының -10 еллык юбилее үткәрелү белән дә истәлекле иде

Мәктәптә Чернобыль авариясенә - 25 ел тулуга багышланган чаралар үткәрелә. Компьютер презентацияләре һәм Чернобыль атом станциясенә, анда булган вакыйгалар тасвирланган видеоязмаларны файдаланып, югары сыйныф укучылары барлык сыйныфларда лекцияләр сөйләделәр.

Әлеге авариянең аянычлы нәтиҗәләрен бетерүдә катнашкан райондашларыбыз һәм авылдашыбыз Муратов Равил абыйлары белән таныштырдылар.

Мәктәптә Габдулла Тукайның - 125 еллык юбилее бик зурлап билгеләп үтелде. Бүген 26 апрельдә авыл мәдәният йортында зур кичә үткәрелде. Кичә барышында укучылар Г. Тукай шигырьләрен һәм җырларын башкардылар. Әкиятләрен сәхнәләштерделәр.

Мәктәбебезнең 5 класс укучылары Сәләхетдинов Рәдис, Нуретдинов Нияз, Мостафина Алсу, Абдрахманова Алия район күләмендә үткән “Куркынычсыз тәгәрмәч” ярышында катнашып, үзләрен сынап кайттылар. Кызганыч, укучыларыбыз алдынгылар рәтенә баса алмадылар.