Авылыбыз мәдәният йортында, 14 нче октябрь көнне, “Мин әтиемне төшемдә күрдем” дип исемләнгән тема астында сугыш чоры балаларын хөрмәтләү йөзеннән , шул елларда туган өлкәннәребез кунакка чакырылды. Әлеге чарада безнең укучыларыбыз һәм укытучыларыбыз да катнашты. Чараны мәдәният йорты директоры Хөсәенова Рәзилә алып барды. Бу чор балаларына хәзер 70 – 80 яшь . Алар яшь аралаш үзләренең балачакларын искә төшерделәр. Балаларга гыйбрәт итеп сөйләделәр. Укучыларыбызга бу тормышның кадерен белергә, акыллы булырга, әти – әниләрнең, укытучыларның сүзләрен тыңларга, тәртипле булырга өндәделәр. Тантаналы өлештән соң, өлкәннәребез табынга чакырылды. Аларны хөрмәтләү мул табыннар артында дәвам итте.