“Аргамак” укучылар оешмасы бик теләп, Мәрьям Сафинага ярдәм итәргә уйладылар. Үзидарә членнары һәр классның секторлары белән берлектә бу изге эшне ничек оештыруларын бергәләп җыелып фикер алыштылар. Алар авыл халкыннан да ярдәм сорап, үз тәкъдимнәрен керттеләр һәм 29 нчы январь көнне авылыбызның “Алсу” кибетенә , аңлатмалы язу белән ящик куйдылар. Акция 5 февральгә кадәр дәвам итәчәк.

5 сыйныфларда Фәния Мансуровна математика фәненнән, вакланмалар буенча  ачык дәрес күрсәтте.  Фәния Мансуровна балаларга бик таләпчән. Барлык төр мисалларны да балалар белән бергә чишелешен табып, аннан тактада кабат чишү юлларын күрсәтеп, дәрес темасын тирәнтен аңлатты.

 28 нче январь көнне мәктәбебезнең “Күңелле тәнәфес” газетасы басылып чыкты. Газетаны гамәлгә куючылар пресс –үзәк һәм шатлык министрлары Гобәйдуллина Зөһрә һәм Мифтахова Гүзәлләр. Газетага мәгълүматларны туплауда мәктәбебез укучыларының да ярдәме тиде. Әле бу эшнең башы гына, киләчәктә мәктәп газетасын зуррак форматта чыгару күздә тотыла

26 нчы гыйнвар көнне башлангыч сыйныфларда “Күңелле стартлар” булды. Ярышларда укучылар бик теләп катнаштылар

25 нче гыйнвар көнне башлангыч сыйныф укучылары сәламәт яшәү рәвеше максатыннан чаңгыда йөрергә чыктылар

24нче гыйнварда 3нче сыйныф укытучысы Солтанова Г.Н. “Сәламәт яшәү рәвеше” дигән темага ачык дәрес үткәрде. Укучыларны, заманча технологияләр кулланып, сәламәт яшәү рәвеше кагыйдәләре белән таныштырды

Бөтендөнья татар конгрессы Башкарма комитеты, Бөтенрусия татар авыллары иҗтимагый оешмасы һәм "Халкым минем" газетасы бергәләп "Авылым минем" исемле конкурс игълан итәләр. Бәйгенең максаты: дөнья буйлап сибелгән татар авылының бүгенге хәл-әхвәленә, үткәндәге мирасына, гореф-гадәтәребез, йолаларыбыз, туган телебез, матур үрнәк татар гаиләләренең яшәешенә җәмәгатьчелек игътибарын җәлеп итү.

17нче гыйнвар көнне башлангыч сыйныф укучылары арасында “Кошларга ярдәм ит!” акциясе үткәрелде. Бу акциядә түбәндәге номинацияләр буенча җиңүчеләр билгеләнде: