21 нче февраль көнне мәктәбебезгә кунаклар килде, чөнки бу көнне район күләмендә бик матур бәйге булып үтте, “Замечательный вожатый” бәйгесе. Безнең мәктәбебездән 8 сыйныф укучысы Мифтахова Гүзәл катнашты. Башта кунакларны үзләренең матур чыгышлары белән эзтабарлар сәламләде.Аннан бәйге башланып китте

 21 нче февраль көнне башлангыч сыйныф укучылары, Ватанны саклаучылар көне уңаеннан, солдат хезмәтен чик саклауда үткәргән Рөстәм Вәлиев белән очрашты. Ул укучыларга  хезмәт сөючән, тырыш булып үсәргә кирәклеген аңлатты. Армия фоталарын, медальләрен алып килгән иде. 2нче сыйныфта укучы улы Асаф әтисенә багышлап язган шигырен укыды.

 Укучыларыбызның  сәләтен үстерү максатыннан , аларның сорауларын канәгатьләндереп, быел мәктәбебез үз хисабыннан бәйләү, көрәш, бию түгәрәкләрен  кабат оештырып җибәрде.  Көрәш түгәрәге җитәкчесе Фәхертдинов Рәнис, бәйләү түгәрәге җитәкчесе Хәйретдинова Гөлүсә, бию түгәрәге җитәкчесе Валиева Гөлнара .  Укучыларыбыз дәресләрдән соң бик теләп бу түгәрәкләргә йөриләр

20 февраль көнне Габдулла Тукай исемендә шигырь укучылар бәйгесе конкурсына әзерлек максатыннан, мәктәп күләмендә шигырь сөйләүчеләр конкурсы булып үтте. Нәтиҗәләргә килгәндә:

19 февраль көнне Афганстанда хезмәт иткән, бүгенге көндә район прокуроры урынбасары булып эшләүче, авылдашыбыз Шарифуллин Фәрит Гомәрович белән очрашу булып үтте. Фәрит абый үзенең армиядә ничек хезмәт итүләрен укучыларыбызга сөйләп күрсәтте. Нинди генә авырлык килсә дә, куркып калмаска, ул синең язмышың икәнне аңларга кирәклекне төшендерде.

16 февраль көнне Бөрбаш урта мәктәбен 44, 35, 30, 25, 20, 15 ел элек тәмамлаучылар белән очрашу кичәсе булып үтте. Бик күп кунаклар кайтты. Очрашуга килгән классташлар яңа мәктәпкә һәркайсы бүләкләр белән килгәннәр. Алар сәхнәгә менеп күңелләрендә булган изге хисләрен җиткерделәр, матур теләкләр теләделәр, укыткан укытучыларына рәхмәтләрен җиткерделәр

Елдагы традиция буенча, “Балкыш” кибете хуҗасы Гыйльмулла Хайруллин быел да хоккей ярышы уздырды. Ул Советлар Союзы Герое Габдулла Гарифуллинның кияве. Башта укучыларыбыз Габдулла Гарифуллинның каберенә венок куеп кайттылар. Кызганыч,әлеге хоккейда безнең укучыларыбыз командасы җиңүләргә ирешә алмады

Республикабыз халкы арасында электрон формада күрсәтелүче дәүләт һәм муниципаль хезмәтләрен популярлаштыру максатыннан «IT-ЧЕМПИОН» конкурсы игълан ителде. 

Бүген мәктәптә класс җитәкчеләре «IT-ЧЕМПИОН» конкурсы шартлары белән таныштылар. Классларда укучыларны таныштыру өчен күрсәтмә әсбаплар таратылды.

14 нче февраль көнне ТИН укытучысы Рим Фәргатович 8 сыйныфларда ачык дәрес күрсәтте. Гадәттән тыш хәлләр темасы астында үтте дәрес. Рим Фәргатович дәресне яңа технологияләр кулланып, кызыклы итеп алып барды. Укучылар үз фикерләрен җиткереп, дәрестә бик актив катнаштылар. Дәрес бик оешкан төстә үтте.

 15 нче февраль көнне Чепья мәктәбендә ФОРПОСТ отрядларының  районкүләм ярыш булып үтте. Саф һавада үткән  ярыш – уеннар  укучылар  өчен бик кызыклы булган. Алар рәхәтләнет уйнадык, ял иттек дип кайттылар.