22 февраль көнне мәктәптә “Аҗаган” уены үткәрелде. Укучыларыбыз ул көнне солдатлар булдылар. Тыныч ил солдатлары. Башта класслар эвакуация сигналын ишетү белән мәктәптән чыктылар. Командалар рапортлар тапшырды, строй һәм җыр белән үттеләр.Аннан соң һәйкәл янында, һәлак булган солдатларны искә алып, бер минут тынлык белән һәйкәлгә венок салдылар. Һәм шуннан соң, шаярып кына, “Кызыллар” һәм “Яшелләр” командасы “көрәшкә” күтәрелде.

 22 нче февраль көнне 1-5 сыйныф укучылары тауга чана шуарга бардылар. Табигать кочагында аш пешереп ашау, чәй кайнатып эчү укучыларга бик ошады. Әти-әниләр дә бик канәгать калдылар

22 февраль көнне Муса Җәлил музее призына 2001 һәм аннан яшьрәкләр арасында,  район күләмендә хоккей ярышы уздырылды.  Безнең команда Балтач мәктәбе командасына җиңелде.  

21 нче февраль көнне мәктәбебезгә кунаклар килде, чөнки бу көнне район күләмендә бик матур бәйге булып үтте, “Замечательный вожатый” бәйгесе. Безнең мәктәбебездән 8 сыйныф укучысы Мифтахова Гүзәл катнашты. Башта кунакларны үзләренең матур чыгышлары белән эзтабарлар сәламләде.Аннан бәйге башланып китте

 21 нче февраль көнне башлангыч сыйныф укучылары, Ватанны саклаучылар көне уңаеннан, солдат хезмәтен чик саклауда үткәргән Рөстәм Вәлиев белән очрашты. Ул укучыларга  хезмәт сөючән, тырыш булып үсәргә кирәклеген аңлатты. Армия фоталарын, медальләрен алып килгән иде. 2нче сыйныфта укучы улы Асаф әтисенә багышлап язган шигырен укыды.

 Укучыларыбызның  сәләтен үстерү максатыннан , аларның сорауларын канәгатьләндереп, быел мәктәбебез үз хисабыннан бәйләү, көрәш, бию түгәрәкләрен  кабат оештырып җибәрде.  Көрәш түгәрәге җитәкчесе Фәхертдинов Рәнис, бәйләү түгәрәге җитәкчесе Хәйретдинова Гөлүсә, бию түгәрәге җитәкчесе Валиева Гөлнара .  Укучыларыбыз дәресләрдән соң бик теләп бу түгәрәкләргә йөриләр

20 февраль көнне Габдулла Тукай исемендә шигырь укучылар бәйгесе конкурсына әзерлек максатыннан, мәктәп күләмендә шигырь сөйләүчеләр конкурсы булып үтте. Нәтиҗәләргә килгәндә:

19 февраль көнне Афганстанда хезмәт иткән, бүгенге көндә район прокуроры урынбасары булып эшләүче, авылдашыбыз Шарифуллин Фәрит Гомәрович белән очрашу булып үтте. Фәрит абый үзенең армиядә ничек хезмәт итүләрен укучыларыбызга сөйләп күрсәтте. Нинди генә авырлык килсә дә, куркып калмаска, ул синең язмышың икәнне аңларга кирәклекне төшендерде.

16 февраль көнне Бөрбаш урта мәктәбен 44, 35, 30, 25, 20, 15 ел элек тәмамлаучылар белән очрашу кичәсе булып үтте. Бик күп кунаклар кайтты. Очрашуга килгән классташлар яңа мәктәпкә һәркайсы бүләкләр белән килгәннәр. Алар сәхнәгә менеп күңелләрендә булган изге хисләрен җиткерделәр, матур теләкләр теләделәр, укыткан укытучыларына рәхмәтләрен җиткерделәр