22 февраль көнне мәктәптә  “Аҗаган” уены үткәрелде. Укучыларыбыз ул көнне солдатлар булдылар. Тыныч ил солдатлары. Башта класслар эвакуация сигналын ишетү белән мәктәптән чыктылар. Командалар рапортлар тапшырды, строй һәм җыр белән үттеләр.Аннан соң һәйкәл янында, һәлак булган солдатларны искә алып, бер минут тынлык белән һәйкәлгә венок салдылар. Һәм шуннан соң,  шаярып кына, “Кызыллар” һәм “Яшелләр”  командасы  “көрәшкә” күтәрелде. Аларның девиз бер: “Бирешмәскә, сынатмаска!” Ниһаять, “сазлыкларны” үтә – үтә, зур тырышлык белән, кара – каршы килгән ике команда да бер пунктка җыйналды. Тамак ялгап алганнан соң, кабат ярышлар башланып китте. Мылтык сүтеп җыю, окоп казу, бау бәйләү төрләре, яралыны күтәреп йөгерү, аркан тарту, мылтыктан ату, граната ату, “мина” эзләү ярышларыннан соң  укучыларыбыз дәррәү кызыл флагка таба йөгерделәр. Флагны “Яшелләр”  командасыннан 11 класс укучысы Эльвир Гафиятуллин алды. Ярыш шартлары нәтиҗәләре буенча да “Яшелләр” командасы алдынгы.  Ярышлар тәмамлангач, тәмле самовар чәе һәм булочкилар белән сыйланганнан соң , күтәренке кәеф белән, арып – талып өйләргә таралыштык без. Быел “Аҗаган” уены аеруча күңелле үтте, көн дә бик матур иде. Молоды, егетләр – кызлар!