26 сентябрь – тәрбиячеләр көне. Шул уңайдан 5 сыйныф укучылары  мәктәпнең “Аргамак” укучылар оешмасы балалары исеменнән тәрбияче апаларын  котлап кайттылар.  Алар үзләрен тәрбияләгән  барлык апаларына  изге теләкләр язылган открытка, чәчәк бәйләме һәм күчтәнәчкә торт бүләк иттеләр. Шундый күңелләре булды тәрбияче апаларның. Алар үзләре дә укучыларыбызга изге теләкләрен җиткерделәр, тәмле соклар, печеньеләр белән сыйлап та җибәрделәр. Бик матур мизгелләр булды бу минутта.

Рәссәй  күләмендә үткәрелгән милләтләр кроссында безнең мәктәп укучылары да бик теләп катнашалар.Укучылар күмәк йөгерештә үзләренә  ел буена җитәрлек көч,куәт алалар.

Путин тәкъдиме белән язылачак тарих дәреслеге башка милләтләрне юкка чыгарып илдә бер генә рус милләте ясауга чираттагы адым булып торырга мөмкин. Бу хакта галим Дамир Исхаков белдерде. Быел февраль аеннан бирле Русия мәктәпләре өчен язылачак яңа тарих дәреслеген тикшерәләр. Бу дәреслекнең нинди булырга тиешлеге турында Русия җитәкчелеге дә, галимнәр дә, сәясәтчеләр дә үз фикерен белдерә. Русия президенты Владимир Путинның тел төбеннән аңлашылганча, илдә бердәм русияле (россияне) милләте ясау, өстенлекнең рус халкына гына биреләчәге, аның иң һуманлы һәм башка халыкларны артта калганлыктан коткаручы икәнлеге бу дәреслекнең нигезенә салынырга мөмкин. Ул февраль аенда ясаган чыгышы вакытында, вакыйгаларны бәян иткәндә галимнәрнең төрле карашларны күрсәтү “безнең күп милләтле илебезнең уртак һуманитар киңлеген җимерәчәк” дип белдергән иде. 

16 сентябрь көнне тарих һәм җәмгыять белем укытучысы Гиниятуллина Р.М. Курск дугасы янында барган сугышка 70 ел тулу уңаеннан 5 нче классларда ачык дәрес үткәрде

Уку елы яңа башланып кына килә, әмма БДИ темасы һаман да көн кадагына суга торган төп тема­ларның берсе булып тора. Уйлап карасаң, әле имтиханга кадәр тугыз айлык марафон бар һәм проблема бары тик аңа әзер­ләнү­че укучыларны һәм әзер­ләүче укытучыларны гына борчырга тиеш кебек. Вә­лә­кин чыгарылыш сыйныф укучыларын ничек итеп тикшерү мәсьәләсе илнең иң югары җитәк­челеге теленнән төшми. Уку елы башланыр алдыннан һәм аның беренче көн­нәрендә үк Президент та, Премьер-министр да бу темага берничә тапкыр кагылырга мәҗбүр булдылар. Бу аңла­шыла: ел саен БДИ уңышлы үтте дип ышандырырга тырышсалар да, имтихан елдан-ел абсурд театрын ныграк хә­терләтә, һәр адым саен сынау­ның мәгънәсе югала, тоталь караклык һәм ришвәт фонында белемнәрне тик­шерү тикшер­мәүгә тәңгәллә­шеп бара. Уку елы башында проблеманың яңадан акту­аль­­лә­шүе – үткән елгы имти­ханның чынлыкта бернигә дә ярамавы, аның эшкә ашарлык механизмы һа­ман да булдырылмаганлыгы иң югары җи­тәкчелек тарафыннан танылды дигән сүз ул. Шушы фонда мәгариф түрәлә­ре БДИ баллары буенча рейтинглар төзи­ләр, мәктәпләр­нең һәм төбәк­ләрнең эшенә бәя бирәләр. Җитәкчеләрнең берсе үткән елның рекордлы күрсәткеч­ләре турында сөйлә­гән­дә, моны мәгарифтә кулланыла башлаган грантлар сис­тема­сының уңышлы булуына дә­лил итеп китерде. Сер түгел: укытучыга грант бирү механизмы үзе дә шул ук БДИ тапшыру театрыннан бик әллә ни аерылмый һәм ике төрле ял­ганның бергә кушылып реаль уңышка китерүе һич тә мөмкин түгел. Ниндидер мог­җиза булып, киләсе елга им­тиханның гадел механизмын урнаштыра калсалар, мәга­риф түрәсенең грантлар һәм БДИның югары баллары арасындагы бәйлә­неш турындагы сүзләре аны нинди кыен хәлгә куйганын күреп булыр иде. Тик түрәләр яхшы белә: һәр уку елы башында им­ти­ханның кырыс һәм гадел булачагы хакында янаулар ише­телә дә, көннәр язга авышуга, дилбегә бушатыла һәм беренче имтиханда ук тулы хөр­лек хакимлек итә башлый.

Традиция буенча без көн саен беренче озын тәнәфестә барлык сыйныф укучылары бергә үзебезнең сәламәтлегебезне кайгыртып, саф һавага физик күнегүләр ясарга чыгабыз. Мәктәп тирәли салмак кына йөгереп алабыз. Рәхәтләнеп , хәрәкәтләнеп,тәннәребезне, башларыбызны ял иттереп керәбез. Безнеңчә,бу бер дә зыянга булмас.

Укучыларыбыз ашханәдә витмаминлы һәм файдалы компотларны эчәргә бик яраталар. Витаминлы ризык кемнең организмына кирәк түгел икән, кыш көннәрендә ул бигрәк тә кирәк.  Менә шул максаттан алар  пешекче апаларга әзер булсын дип, миләш җыеп тапшырдылар. Бү эшкә беркем дә битараф калмады. Һәммә укучы үз вакытында җыеп тапшырды. Молодцы, укучылар!  

9 сентябрь көнне мәктәбебездә ата - аналар җыелышы булып үтте. Җыелышка район ЮХИДИ җитәкчесе Шафигуллин Фәргать Тәлгать улы да килгән иде. Ул ата- аналарга юлларда балалар иминлеген саклау буенча киңәшләрен бирде, гыйбрәтле һәм кызганыч хәлләр турында сөйләде. Юлларда хәвеф - хәтәрләрнең елдан - ел арта баруы хакында мисаллар китерде.Чыгышы ахырында әти - әниләргә изге, матур теләкләрен җиткерде. Аннан соң җыелышны мәктәбебез директоры Гүзәл Галимулловна дәвам итте. Әти - әниләргә балаларны тукландыру, уку - тәрбия өлкәсендәге эшләр белән таныштырды.