25 нче декабрь көнне 5 – 8 сыйныф укучылары арасында инглиз теленнән шигырь сөйләүчеләр конкурсы булып үтте. Укучылар Габдулла Тукай шигырьләрен инглизчә сөйләделәр.  Бу бәйгедә иң оста шигырь сөйләүче, 5 сыйныф укучысы Корбанова Чулпан булды.  Конкурста катнашкан укучыларга бәяне укучылар үзләре билгеләделәр һәм аларга кечкенә генә бүләкләр дә тапшырдылар

24 нче декабрь көнне дәресләр бетешкә, мәктәбебезгә Кыш бабай һәм Кар кызы килделәр. Алар укучыларыбызга  күчтәнәчләр алып килгәннәр.Алар укучыларыбызга матур теләкләр теләделәр. Укучыларыбыз  бик сөенеп, җырлап – биеп күрсәттеләр, Кыш бабай һәм Кар кызы белән фотоларга төштеләр. Шундый күңелле булды.

Бәйрәмнәрдә – бәхет тантанасы,

Җан сафлыгы, күңел яктысы.

Гомер буе озатып бара безне

Бәйрәмнәрнең керсез ак төсе.

Җир өстенә аклык-пакълек алып килгән Яңа ел бәйрәме котлы булсын!

Киләсе елның 365 көне дә бәхет-шатлык кына китерсен. Аткан таңнарның барысы да алсу булсын. Тормыш юлларында шатлыклы очрашулар, бәхетле елмаюлар, куанычлы мизгелләр күп булсын!

2 һәм 3 нче сыйныф укучыларын эзтабарга алу максатыннан алар белән алдан кагыйдәләрне өйрәнү, эзтабарлар нинди булырга тиеш икәнлеге хакында  әңгәмәләр корылды. “Эзтабар юлдашы” программасы нигезендә барлык эзтабарларга хас сыйфатларны, эшләрне барладылар.  Эзтабарларның өндәмәсен, шигарен кат - кат кабатлап, исләрендә калдырдылар.  Эзтабар булырга  бик теләп әзерләнделәр алар

График буенча 5-11 сыйныф укучылары да мониторингларны эшләп чыктылар .  Укучыларыбыз үзләрен сынап карадылар.  Мониторинглар эшләү укучылар өчен файдалы да булды. Алар үз белемнәренең  ни дәрәҗәдә булуын. Нәрсәләрне күбрәк белергә, кайсы фәннәрне ныграк үзләштерергә икәнлеген  белделәр.  Белмичә калдырган сораулар өстендә кабат укытучы апалары белән, бер – берсе белән  бергәләп  эшләделәр, кызыксынып үзләрен тикшереп карадылар. Мониторинглар эшләү бер дә зыянга булмады

23 нче декабрь көнне , тарих укытучысы Рәмзия Миннехановнаның 55 яшьлек юбилее уңаеннан, мәктәбебездә бәйрәм тантанасы булып үтте. Хөрмәткә лаек укытучы - Рәмзия Миннехановнага мәктәбебез диреторы Гүзәл Галимулловна  туган көне белән котлап изге тәләкләрен җиткерде, аның хезмәтенә рәхмәт сүзләрен тапшырды.Ә   укучыларыбыз матур җырлар, биюләр, шигырьләр аша  хөрмәтләрен белдерделәр. Юбилей тантанасы бик күңелле үтте.

Мәктәбебезнең югары категорияле тарих укытучысы Рәмзия Миннехановнаның 22 декабрьдә туган көне. 

Рәмзия Миннехановна Сезне чын күңелдән әлеге бәйрәмегез белән тәбрик итәбез.

20 нче декабрь  көнне 2 нче һәм 3 нче  сыйныф укучыларын эзтабарга алу тантанасы булып үтте. Укучылар башта эзтабарларга хас сыйфатларны, кагыйдәләрне өйрәнделәр, шигырьләр  ятладылар. Бәйрәм тантанасына Белем иле патшасы белән Белмәмеш тә “килгән” иде. Укучыларны сынап караганнан соң , аларга эзтабар тамгалары тактылар.  Укучыларыбыз иптәшләре алдында ,  үрнәк эзтабар булырга, аның кагыйдәләрен үтәргә сүз бирделәр. Без дә,аларның  киләчәктә “Аргамак” укучылар оешмасың  актив   укучылары  булып , начар гадәтләргә юл куймыйча , мәктәп  исеменә тап төшерми  алга атлауларын теләп калабыз.

Россиянең Мәгариф һәм фән өлкәсендә күзәтчелек итү буенча федераль хезмәт идарәсе 2014 елда узачак Бердәм дәүләт имтиханын тапшыру көннәрен раслаган.

Имтиханнарны алдан тапшырырга теләүчеләр өчен сынау 21 апрельдән башлана. Бу көнне укучылар чит телләр, география, химия яки тарих фәннәреннән имтихан тапшыра. 28 апрельдә – математика, 5 майда информатика, биология, җәмгыять белеме, рус әдәбияты һәм физика фәннәреннән белем дәрәҗәсен күрсәтә.

БДИның төп этабы, гадәттәгечә, май аена туры килә. 26 май көнне чыгарылыш сыйныфлар география һәм рус әдәбияты буенча БДИ тапшыра алачак. 29 майда исә укучылар өчен беренче мәҗбүри имтихан - рус теленнән сынау билгеләнгән. 2 июнь – чит телләр һәм физиканы сайлаучылар сынала. 5 июньдә егет-кызлар икенче мәҗбүри предмет — математиканы тапшырыр дип көтелә. 9-11 июньгә информатика, биология, тарих, жәмгыять белеме, химия буенча имтиханнарны үткәрү ниятләнә.

Җитди сәбәпләр аркасында имтиханны билгеләнгән вакытта тапшыра алмаган укучылар өчен 16-20 июньдә резерв көннәр билгеләнгән.

Татар мәктәпләре ябыла, милли мәгариф системасы югала, балаларыбыз татар телендә сөйләшми, татар матбугатының хәле мөш­кел. Әнә шул хакта кичә Татарстан Язучылар берлеге­нең Тукай клубында зурдан кубып сөйләште­ләр. Чарага Татарстан мә­гариф министры Энгель Фәттаховның килүе бә­хәсне тагын да кыздырып җибәрде.

Язучыларның мондый теманы күтәрүләре бик урынлы, анысы. Әмма мәктәпләр ябылып, югары уку йортларындагы татар бүлек­ләре кыскаргач түгел, ә алданрак баш калкытырга ки­рәк иде. Эш узганнан соң йодрык селкү бүген нәрсә­не­дер үзгәртерме икән?