20 нче декабрь  көнне 2 нче һәм 3 нче  сыйныф укучыларын эзтабарга алу тантанасы булып үтте. Укучылар башта эзтабарларга хас сыйфатларны, кагыйдәләрне өйрәнделәр, шигырьләр  ятладылар. Бәйрәм тантанасына Белем иле патшасы белән Белмәмеш тә “килгән” иде. Укучыларны сынап караганнан соң , аларга эзтабар тамгалары тактылар.  Укучыларыбыз иптәшләре алдында ,  үрнәк эзтабар булырга, аның кагыйдәләрен үтәргә сүз бирделәр. Без дә,аларның  киләчәктә “Аргамак” укучылар оешмасың  актив   укучылары  булып , начар гадәтләргә юл куймыйча , мәктәп  исеменә тап төшерми  алга атлауларын теләп калабыз.

Россиянең Мәгариф һәм фән өлкәсендә күзәтчелек итү буенча федераль хезмәт идарәсе 2014 елда узачак Бердәм дәүләт имтиханын тапшыру көннәрен раслаган.

Имтиханнарны алдан тапшырырга теләүчеләр өчен сынау 21 апрельдән башлана. Бу көнне укучылар чит телләр, география, химия яки тарих фәннәреннән имтихан тапшыра. 28 апрельдә – математика, 5 майда информатика, биология, җәмгыять белеме, рус әдәбияты һәм физика фәннәреннән белем дәрәҗәсен күрсәтә.

БДИның төп этабы, гадәттәгечә, май аена туры килә. 26 май көнне чыгарылыш сыйныфлар география һәм рус әдәбияты буенча БДИ тапшыра алачак. 29 майда исә укучылар өчен беренче мәҗбүри имтихан - рус теленнән сынау билгеләнгән. 2 июнь – чит телләр һәм физиканы сайлаучылар сынала. 5 июньдә егет-кызлар икенче мәҗбүри предмет — математиканы тапшырыр дип көтелә. 9-11 июньгә информатика, биология, тарих, жәмгыять белеме, химия буенча имтиханнарны үткәрү ниятләнә.

Җитди сәбәпләр аркасында имтиханны билгеләнгән вакытта тапшыра алмаган укучылар өчен 16-20 июньдә резерв көннәр билгеләнгән.

Татар мәктәпләре ябыла, милли мәгариф системасы югала, балаларыбыз татар телендә сөйләшми, татар матбугатының хәле мөш­кел. Әнә шул хакта кичә Татарстан Язучылар берлеге­нең Тукай клубында зурдан кубып сөйләште­ләр. Чарага Татарстан мә­гариф министры Энгель Фәттаховның килүе бә­хәсне тагын да кыздырып җибәрде.

Язучыларның мондый теманы күтәрүләре бик урынлы, анысы. Әмма мәктәпләр ябылып, югары уку йортларындагы татар бүлек­ләре кыскаргач түгел, ә алданрак баш калкытырга ки­рәк иде. Эш узганнан соң йодрык селкү бүген нәрсә­не­дер үзгәртерме икән?

18 нче декабрь көнне  мәктәбебездә бик матур очрашу булып үтте. “Гел куанып яшим җирдә” исеме астында үткән әлеге очрашуның кунагы мөмкинлекләре чикле булган, көчле рухлы, шат күңелле, шагыйрә  Чулпан Габделганиева иде.  Чулпан  үзендә бик күп көч табып, дөньядан ямь һәм тәм табып яши белә. Аның искиткеч мәгънәле шигырьләре  кеше күңеленә изгелек өләшә, җан җылысы өсти. Чулпан апалары укучыларыбызны көчле спортсмен булуы белән дә шаккатырды. Ул нинди генә ярышларда катнашмаган да, нинди генә җиңүләр яуламаган. Укучыларыбыз тын да алмыйча, Чулпан апаларын сокланып тыңладылар.Чулпан апаларына изге, чын йөрәктән чыккан матур хисләрен җиткерделәр. Чулпан үзе дә безнең укучыларыбызны бик яратып, ошатып китте. Үзенең дуслары белән кабат безнең мәктәбебезгә киләсе килүен белдерде.  Очрашу бик җылы мөнәсәбәттә , бик матур үтте. 

Пожар куркынычсызлыгы айлыгында мәктәбебездә бик күп чаралар үтә. Шуларның берсе 4 сыйныфларда “Урманнарны пожардан саклыйк” темасына тәрбия сәгате узды. Укытучылары Гөлсинә Нурлыходовна укучыларга урманнарны янгыннан саклау, урманда йөрү кагыйдәләре турында аңлатты. Укучылар да әзерләнгәннәр,бу темага бик матур һәм өндәүле  рәсемнәр дә ясаганнар. Тәрбия сәгате  укучылар өчен бик файдалы үтте

Классларда маниторинглар эшәү дәвам итә. Чиратта  8 сыйныфлар иде. Алар да уңышлы гына бу  эшне башкарып чыктылар. Үз – үзләренә нык  җаваплылыкта торып, тырышып мониторингларны эшләп чыктылар.

Мәктәбебез яны соңгы атна дәвамында әкиятләр иленә әверелде. Барлык укучылар, аларның әти-әниләре һәм укытучылар бердәм булып кардан сын ясау белән шөгыльләнделәр. Сыннар белән соклану өчен мәктәбебезгә чакырабыз.

14 нче декабрь көнне укучылар оешмасы авыр хәлле гаиләләргә ярдәм итү максатыннан хәйрия акциясе үткәрделәр. Алар бу эшкә бик теләп алындылар. Кием – салымнар, уенчыклар алып килделәр. Изгелек җирдә ятмас . Кешеләргә ярдәмчел, шәфкатьле булу изгелекнең иң зурысы

Классларда мониторинглар эшләү башланып китте. Укучыларның белемнәрен ныгыту һәм сынап карау максатыннан үткәрелгән бу эшкә укучыларыбыз бик җаваплы карап, тырышып эшлиләр. Аны Һәр класс аерым фәннәрдән график нигезендә эшли. Уңышлар сезгә, укучылар! Сынатмагыз!