Шатлык өстәп һәрбер йөрәккә,

Үз муллыгы белән көзләр килә,

Йомгак ясап җәйге хезмәткә.

28 нче октябрь көнне укучыларыбыз яшелчә һәм җиләк җимешләрдән натюрмортлар ясап куйдылар. Берсеннән - берсе бай, төрлечә уйлап чыгарып эшләгәннәр. Әллә нинди формаларда үскән бәрәңгеләр, кабаклар алып килгәннәр. Яшелчәләрдән үзләре дә төрле – төрле кызыклы әйберләр ясаганнар. Бик матур булган, молодцы!

28 нче октябрь көнне 9 сыйныф укучылары авыл хезмәтчәннәрен хөрмәтләү йөзеннән концерт куйдылар. Алар матур шигырьләр, җырлар аша хезмәт кешесенә булган изге хисләрен, теләкләрен җиткерделәр . Берсеннән берсе матур яңа биюләр башкардылар. Концерт караган һәммә кеше рәхәтләнеп ял итте. Тырышып әзерләнгәннәр, бик күңелле, бик матур булды концерт.

С юбилеем! 95 лет прошло с тех пор, как был организован Всесоюзный Ленинский Коммунистический Союз Молодежи. За эти годы многое изменилось, в том числе не стало и СССР, но у тех, кто был в рядах ВЛКСМ, задор молодежный сохранился и сегодня, как поётся в песне, не расстанусь с комсомолом – буду вечно молодым!

Замана баласы туганда ук компьютерда эшли белә, дип уйларсың. Бер караганда, бу яхшы да кебек: яңа технологияләргә җайлашу үзләренә җиңелрәк булачак. Ләкин табиб, психолог кисәтүләре дә сагайта – бүгенге балалар, аеруча үсмерләр, «компьютер бәйлелеге», дигән яңа чирдән интегә икән. Авыруга сабышырга 2 ай җитә  Компьютер бәйлелеге турында беренче тапкыр 80нче еллар башында ук Америка галимнәре сүз кузгата. Ә безнең илдә андый «авырулар»ны соңгы 10 ел эчендә генә «дәвалый» башлаганнар.  – Соңгы елларда компьютерсыз яши алмаганнар саны арта бара, – ди ТР Наркология диспансеры баш табибы урынбасары, психиатр-нарколог Фәнүс Моратов. – Андыйларның күбесе – малайлар. Саннарга әйлән¬дерсәң, компьютерга куркыныч дә¬рәҗәдә бәйле бер кызга 10 малай туры килә. Ир-атларга хас булган «аучы» инстинкты сәбәпче монда. Бәйлелек бик тиз формалаша, моңа нибары 2 ай вакыт җитә. Әгәр вакытында чик куймыйсың икән, балагыз үсеп җитү белән уен автоматлары һәм башка комарлы уеннарга кереп батачак.

Инде ике ел дәвамында Татарстан мәктәпләренең башлангыч сыйныфларында “Перспектива” һәм “Перспектив башлангыч мәктәп” мәгариф программалары актив файдаланыла. Тик яңа дәреслекләрдән риза булмаучы укытучы һәм ата-аналар шактый. “Әлеге программа авыл баласын надан калдыру өчен махсус эшләнгән” кебек фикерләр дә көннән-көн ешрак яңгырый.Татарстанда бу программалар юкка гына кертелмәгән үзе. Яңа уку-методик комплексның үзенчәлеге - ул гомуми башлангыч белем бирүнең дәүләт стандартлары белән параллель рәвештә эшләнгән. Программаларны әзерләгәндә, галимнәр педагогика һәм психология өлкәсендәге алдынгы казанышларга таянып эш иткән, шул ук вакытта белгечләр Россиядәге классик мәгариф традицияләрен саклап калуга да ирешкән. Бу исә андый методик комплексның уникальлеген тагын да арттыра.Заманча методика ярдәмендә нәни бала шәхес буларак тизрәк формалаша, дәресләр укучыга сыйфатлы белем генә биреп калмый, ә аңа төрле яклап камилләшергә дә ярдәм итә, дип санала.

26 нчы октябрь көнне  егетләребез – Ахметзянов Хәниф,Фәхертдинов Рүзәл Арбор авылында үткән көрәш бәйгесендә катнашып кайттылыр.  Нәтиҗәләре дә күңел сөенерлек. Алар икесе дә икенче урынга лаек булганнар.  Әфәрин , егетләр! Гел шундый тырыш һәм батыр егетләребез булып калыгыз. Нык сәламәтлек  һәм озын гомерләр сезгә.

25 нче октябрь көнне районкүләм семинар үтте. Семинарга тормыш иминлеге нигезләре дәресен укытучылар килде. Аларга Рим Фәргатович 8 сыйныф укучылары белән берлектә ачык дәрес һәм дәрестән тыш чара күрсәтте. Килгән укытучылар әлеге чараларга уңай  бәяләр биреп, Рим Фәргатовичка рәхмәтләрен җиткерделәр. Мәктәбебезне, укучыларны ошатып, зур канәгатьлек белән таралыштылар

24 нче октябрь көнне 10 сыйныф укучылары Хәйретдинова Гүзәл һәм Гобәйдуллина Зөһрә авылыбызның иң мөхтәрәм һәм ихтирамга лаек  шәхесе – сугыш  ветераны Нурҗиһан апа белән очрашып, аның хәлен белеп сөйләшеп кайттылар. Нурҗиһан апага үзләрен кызыксындырган сорауларны биреп, видеоязма алып кайттылар. Бик күп авырлыклар, газаплар күрсә дә ветераныбыз тормыштан канәгать булып гомер кичерүен, һәр кешенең үз язмышы булуын аңлатып, күргәннәрен гыйбрәт итеп укучыларыбызга сөйләде. Аларга изге теләкләрен җиткерде. Бүгенге көн тормышларыбызның  оҗмахка тиң булуын әйтеп, шушы тормышларның рәхәтен, кадерен белеп, бер – беребезгә рәхим – шәфкатьле булып, игелекле булып, акыллы булып, күңелсезлекләргә юл куймыйча яшәргә өндәде ул укучыларыбызны.

23 нче октябрь көнне мәктәбебезгә кунаклар килде.  Түгәрәк җитәкчеләренең семинары булып үтте бу көнне. Районның барлык мәктәпләрендә төрле юнәлешләрдә өстәмә белем бирүче түгәрәк җитәкчеләре безнең мәктәбебезнең театр түгәрәге эшчәнлеген күзәттеләр. 6 сыйныф укучылары  аларга “Кәнфитләр патшалыгында”дип аталган, тәрбияви яктан бик мәгънәле спектакль күрсәтте. Ә инде 2 сыйныф укучылары матур биюләрен башкардылар. Балтач мәктәбеннән Гарифуллина Мәүлизә , Чутай мәктәбеннәнВафина Энҗе, Яңгул мәктәбеннән Хабибрахманова Римма апалар безнең башлангыч сыйныф укучыларына төрлечә уеннар уйнатып, үз эшчәнлекләрен күрсәттеләр. Безнең укучыларыбыз аларга зур ярәмчеләр  булдылар.  Киңәшмәгә килүчеләр бик ошатып киттеләр укучыларыбызны. Килгән кунакларның үзләренә дә Фирания Ханифовна япон сәнгате “Канзаши” төре белән матур чәчәкләр ясарга өйрәтеп җибәрде. Бик кызыклы һәм файдалы киңәшмә булды бу һәркем өчен.

21 октябрь көнне 8 сыйныф укучыларының  егетләр һәм кызлар командасы Казанга “Тамчы-шоу” уен – ярышында катнашып  телевидениегә төшеп кайттылар. Тапшыру укучыларыбызга бик ошаган. Уенда  бик актив һәм сорауларга җавапларны төгәл бирә алганнанр. Жюрилар да укучыларыбызны мактаганнар, зур әзерлек белән килгәннәре өчен рәхмәтләрен җиткереп, истәлеккә китаплар бүләк иткәннәр. Г.Камал театрына кунакка көтеп калганнар. Алда әле укучыларыбызны тагы Казан көтә, чөнки бу тырышлыклары өчен алар театр карарга барачаклар. Әфәрин укучыларыбыз, булдырдыгыз!  Республика мәктәпләре арасында мәктәбебезнең  дәрәҗәсен төшермәдегез.