Район күләмендә 1997 – 1999 нчы елгы егетләр арасында хоккей ярышлары булып үтте. Әлеге ярышларда безнең 9 – 11 сыйныф егетләреннән торган команда 3 урынны яулап кайтты. Әфәрин егетләр, киләчәктә тагы да матур җиңүләр булсын, тырышлыкны киметмичә гел алга барыгыз, зур уңышлар сезгә! 

Класс җитәкчесе - 2015

Гильметдинова Зөләйхага ярдәм итү максатыннан укучыларыбыз “Ярдәм итик!” акциясенә чыктылар. Укучыларыбыз салкын көннәр булуга карамастан, үз теләкләре белән авыл халкыннан Зөләйхага ярдәм итүләрен сорап, авыл буйлап йөрделәр. Авылыбыз халкының берсе дәбу эшкә битараф булмаган, укучыларыбызның бу изге ниятләрен хуплап, барсы да ярдәм итеп, рәхмәт сүзләрен белдергәннәр.

Узган уку елында ТР Мәгариф һәм фән министрлыгы тарафыннан укучыларның белем сыйфатын күтәрү һәм бердәм дәүләт имтиханы нәтиҗәләрен яхшыртуга юнәлтелгән чаралар комплексы эшләнде. Министрлык бүген дә бу юнәлештә Республика белем бирү сыйфаты мониторингы үзәге базасында актив эшчәнлек алып бара. Мәктәптә укучыларның белемен өзлексез тикшерүне максат итеп куйган мониторинг системасын булдыру һәм аны куллану уйланып төзелгән методика булдыруны таләп итә.
2014-2015 уку елында 5-10нчы сыйныф укучыларының мәктәп программасындагы төрле фәннәр буенча белемнәре бәяләнәчәк. “Хәвефле төркем”не аерып чыгару максатыннан, 9нчы һәм 11нче сыйныфларда диагностик тестлар уздырыла. 4нче һәм 10нчы сыйныфларда мониторинг тикшеренүләре Югары икътисад мәктәбе белән берлектә үткәреләчәк. Татарстан укучылары белем бирү сыйфатын милли тикшерүнең актив катнашучылары булачак. Бу хакта ТР Министрлар Кабинетында узган брифингта ТР Премьер-министры урынбасары – ТР мәгариф һәм фән министры Энгель Фәттахов сөйләде.
Исегезгә төшерәбез: 11нче сыйныф укучыларының дәүләт йомгаклау аттестациясе нәтиҗәләрен яхшыртуны күз уңында тотып, ТР Мәгариф һәм фән министрлыгы каршында координация советы төзелде, гомумбелем бирү оешмаларындагы укыту-методик эшчәнлек торышын өйрәнү өчен республиканың муниципаль районнарына Мониторинг үзәгеннән мобиль төркемнәр һәм югары категорияле укытучылар җибәрелде

Авылыбызның матур гына бер кызчыгы, Гильметдинова Зөләйханың сәламәтлеге кыл өстендә. Зөләйха бик нык авырый. Аны дәвалау өчен бик күп суммада акча кирәк. Бәлки безнең аңа булган изгелегебез аның аз гына булса да авыруын җиңеләйтеп торыр. Әйдәгез, Зөләйхага ярдәм итик! Бу матур кызчыкның күңеленә шифа өстик. Изгелек җирдә ятмый ул!!!

Һәр атнаның җомга көнендә укучыларыбыз оешмасының сәнгать һәм пресс – үзәк министрлары әнә шулай башлап җибәрә мәктәбебезнең хәерле эш иртәсен. Алар шулай радио тапшыру алып баралар . Тапшыруда “Белем үрләре”, “Тәрбияле бала”, “Сәламәтлек серләре” , “Әдәби манзара”, “Җырлы бүләк” рубрикалары астында укучылар һәм укытучыларыбызга, авыл кешесенә төрле мәгълүматлар җиткереп торалар. “Белем урләре” рубрикасында укучыларыбызның белем өлкәсендә булган җитешсезлекләрен һәм уңышларын, “Тәрбияле бала” рубрикасында мәктәбебездә укучыларыбызның үрнәк булырдай эшләрен, “Сәламәтлек серләре” рубрикасында мәктәбебезнең шәфкать туташы Гөлфия Харисовнаның киңәшләрен, “Әдәби манзара “ рубрикасында Бөек Җиңүнең 70 еллыгы уңаеннан барлык язучылар һәм авылыбызның сугыш һәм тыл ветераннары турындагы белешмәләрне бәян итеп, “Җырлы бүләк” рубрикасында туган көн ияләрен күркәм бәйрәмнәре белән тәрбикләп үтәчәк радио тапшыруны алып баручыларыбыз

22 январь көнне Чепья мәдәният йортында үткән “Милли тавыш” прокты концертының икенче өлеше булып үтте. Анда безнең укучыбыз Шакирова Галия дә катнашты. Концерт бик матур үтте, тамашачы балаларыбызның чыгышларын бик җылы кабул итте, җырчыларыбызның чыгышлары көчле алкышларга күмелде. Әлеге бәйрәмгә Татарстанның халык артисты Мингол Галиев та килгән иде. Ул балаларга булган киңәшләрен бирде, шундый матур концерт куюларына рәхмәтләрен җиткерде. Балтач районында шундый талантлы яшьләрнең үсеп килүенә соклануын һәм алда алар белән бергә эшләргә теләк белдерде. Концерт ахырында мәгариф бүлеге җитәкчесе Алия Юнысовна да балаларга, аларны тәрбияләп үстергән әти – әниләргә, аларның укытучыларына изге теләкләрен, рәхмәт сүзләрен җиткерде. Сәхнә кешене тәрбияли, әдәпле һәм итәгатьле итә, кешене матурлыкка өнди дигән матур сүзләрен дә белдерде. 

“Үлемсез полк” акциясенә әзерлек эшләре алып барыла. Һәр класс укучысы сугышта һәлак булган әби-бабайлары турында мәгълүмат җыя.

22 нче гыйнвар көнне мәктәбебез укучылары кино карадылар. Башлангыч сыйныфлар өчен “Тайна принцесс”. Бу әкият балаларны мәрхәмәтле, олы йөрәкле булырга өйрәтте. Югары сыйныфлар Бөек Җиңүнең 70 еллыгына багышланган “Чаклун и Румба” киносын карап, батыр, кыю, сабыр, нык булырга өйрәнделәр.