20 нче гыйнвар көнне 5 нче сыйныфларда ачык тәрбия сәгате узды. Бөек Җиңүнең 70 еллыгына багышланган тәрбия сәгатендә укучылар герой райондашларыбыз белән таныштылар. Алар турында күп мәгълүмат бирелде, шигырьләр тыңланылды. Тәрбия сәгате бай эчтәлекле, тормышчан булды.

Педагогик киңәшмә

Мәктәбебездә ГТО нормалары тапшыру буенча зур эш алып барыла. Укучыларыбыз үзләренең сәламәтлекләрен ныгыту өстендә эшлиләр. 23 - 29 нчы гыйнвар көннәрендә укучылар чаңгы ярышларында катнашачак.

Укучылар Бөек Ватан сугышында һәлак булганнар хөрмәтенә һәйкәл янын гел карап, кардан чистартып торалар.

Хоккей ярышында 3 нче урынны алган егетләр кәшәкә белән бүләкләнделәр. Иң яшь хоккейчы буларак 4 нче сыйныф укучысы Вәлиев Асаф истәлекле бүләккә лаек булды

16 нчы гыйнвар, җомга көнне мәктәбебездә зур вакыйга – директорыбыз Гүзәл Галимулловнаның юбилее хөрмәтеннән бәйрәм чарасы булып узды. Бәйрәмгә авыл халкы, республика, район үзәгеннән дә күренекле кешеләр килгән иде. Туган көн бәйрәме матур һәм эчтәлекле булды

14-16 нчы гыйнвар көннәрендә югары сыйныф укучылары чаңгы шуарга чыктылар. Алар чаңгы трассасы ясап, плотина буена сәяхәт кылдылар

17 нче гыйнвар көнне район күләмендә Чепьяда көрәш ярышы булып узды. Ул ярышларда мәктәбебездән 5 укучы катнашты. Команда көрәшчеләре 3 нче урынга лаек булдылар. 2 нче сыйныф укучысы Галимов Әлфисне үз авырлыгында 3 нче урынны, 9 нчы сыйныф укучылары Фәхретдинов Рүзәлне 2 нче урынны, Сәләхетдинов Рәдисне 3 нче урынны алулары белән котлыйбыз һәм киләчәктә дә призлы урыннар телибез.

15 нче гыйнвар көнне мәктәбебездән бер төркем 10-11 сыйныф укучылары, Рәмзия Миннехановна һәм Раушания Урановна җитәкчелегендә, район күләмендә үткәрелгән “Хокук белгечләре” бәйгесендә катнашып кайттылар. Команда 3 нче урынны яулады. Афәрин, егетләр һәм кызлар!

Матур, кояшлы көннәрнең берсендә башлангыч сыйныф укучылары таудан чана шуарга бардылар. Һәр укучы чаналар алып килде ул көнне. Укучыларыбыз  шатланышып, бик күңелле ял иттеләр, саф һава суладылар, кар атышлы уйнадылар.