Владимир Путин Дмитрий Медведевның тәкъдимен хуплап, Дмитрий Ливановны отставкага озатты.
Аның урынына яңа мәгариф министры итеп Ольга Васильеваны билгеләделәр.

30 августта Россия мәгариф һәм фән министры Дмитрий Ливанов катнашында III Гомумроссия ата-аналар җыелышы узачак. Җыелышта Интернетка тоташа алган һәркем катнаша ала.
Чара видеоконференция режимында Россия төбәкләре катнашында узачак. Министрга сорау бирү өчен Россия Мәгариф һәм фән министрлыгы сайтындагы махсус форманы тутыру зарур.
Гомумроссия ата-аналар җыелышын Россия Мәгариф һәм фән министрлыгы оештыра. Чараның төп максаты - ведомство һәм ата-аналар бергәлеге арасында туры, ачык әңгәмә үткәрү.

Быелгы бердәм дәүләт имтиханнарында аттес­татсыз калучылар саны өч тапкыр кимегән. Аның каравы 9 нчы сыйныф укучылары арасында 800дән артык кеше белемен күрсәтә алмаган. “Икеле” капчыклары үзләрен көз көне тагын бер кат сынап карый алачак. Ә менә 100 балл туплау­чы­ларның саны арткан. Бу хакта Хөкүмәт йортында узган брифингта хәбәр иттеләр.
Сүзебезне аттестат мәсь­­әләсеннән башлау юкка түгел. Мәктәп укучыларын, иң беренче чиратта, әнә шул катыргыдан колак кагу куркыта. Начар укучылар бигрәк тә дер калтырап тора. Тик шулай да аларны быел бөтенләй начар укыган дип әйтеп булмый. Узган ел аттестатсыз калучылар 138 булса, быел андыйлар – 31. “2ле”гә укучылар бигрәк тә Югары Ослан (1,3), Мөслим (1,1), Казанның Киров (0,9), Менделеевск (0,8), Алабуга (0,8) районнарында күп булып чыккан. Республиканың 30 районында бер генә бала да мәк­тәптән белешмә белән чыкмаган.
Узган ел белән чагыштырганда, рус теле буенча уртача нәтиҗәләр 54,5 баллдан 73,05кә күтә­рел­гән....

Бүген Алабугада VII Халыкара укытучылар фестивале ачылды. Тантаналы ачылышта республика мәгариф һәм фән министры Энгель Фәттахов, Алабуга районы башлыгы Геннадий Емельянов һәм КФУ ректорының беренче урынбасары Рияз Минзарипов катнашты.
Бүгенге чара белән республикада укытучыларның август конференцияләре ачыла, дип билгеләп үтте Энгель Фәттахов. "Өч көн биредә, Алабугада мәгарифне үстерү мәсьәләләре буенча фикер алышабыз, аннары башка мәйданчыкларда профессиональ, милли, дуаль белем бирүне үстерү турында сөйләшү алып барабыз. Төп чаралар Лаеш районында һәм Иннополис шәһәрендә узачак. 21-23 августка татар теле укытучылары съезды планлаштырылган", - дип сөйләде министр....

20 июньдә республиканың барлык югары уку йортлары кабул итү кампаниясен ачык дип игълан итте. Чыгарылыш сыйныф укучыларының күпчелеге бердәм дәүләт имтиханнарын инде тапшырып бетерде инде. Әмма нәтиҗәләр күпчелек предметлар буенча әле билгеле түгел. Шуңа да егет-кызлар дулкынлану белән балларын игълан иткәнне көтә. Билгеле, аларның күпчелеге Казандагы югары уку йортларына керергә исәп тота.
Казан федераль университеты
КФУда быел гуманитар белгечлекләргә бюджет урыннар киметелгән....

17 июльдә авылыбызда тугызынчы тапкыр Россиякүләм балалар Сабан туе уздырылды. Татарстан мөселманнары Диния нәзарәте, Балтач районы мөхтәсибәтенең мөселман балаларын җыеп, шушылай күркәм бер чара уздыру традициягә әверелде.
Әлеге күркәм чарада республиканың төрле мөхтәсибәтләреннән һәм төбәкләрдән җыелган меңләгән балалар катнашты.

Әлеге бәйрәмнең мөхтәрәм төп кунагы - Татарстан Президенты Рөстәм Миңнеханов

Менә тагын бер елга йомгак ясалды. 11-классларыбыз барысы да кулларына аттестатлар алды. Отличница кызларыбыз да сынатмады. Сәләхетдинова Әнисә рус теленнән, Мифтахова Гүзәл физика фәненнән зур баллар җыеп, безне сөендерделәр. Кызларга зур рәхмәтебезне җиткерәбез, алга таба да уңышлар юлдаш булсын үзегезгә. Ә 11-нчеләргә, “Теләкләрегез тормышка ашсын, сезнең уңышларыгызны күреп сөенергә язсын, хәерле юллар сезгә”- дигән теләктә калабыз.

9- класс укучыларын һәм аларның әти-әниләрен дә уку елын уңышлы тәмамлаулары белән чын күңелдән котлый алабыз. 18 укучы күп тырышлыклар куеп, укытучыларының һәм әти-әниләрнең ярдәмен тоеп, имтиханнарны уңышлы гына тапшырып, аттестатлы булды. Араларында укуларын техникум, училищеларда дәвам итәргә теләүчеләр дә бар. Кайда гына булсагыз да уңышлар юлдаш булсын үзегезгә, ә хәзер сезне күңелле каникуллар көтә.

Тиздән, 17-июль көнне авылыбызда “Мөселман сабантуе”. Әзерлек эшләре күптән башланды инде. Һәркем көченнән килгәнчә эш башкара: укучыларыбыз скамьялар буей, егетләр мәйданны тәртипкә китерә, әтиләребез яңа корылмалар кора, башлангыч класслар апалары белән “Әрәпә” җыя. Һәммәгезне бәйрәмгә чакырабыз, килегез, безнең белән бергә күңел ачыгыз, ял итегез.

Җәйге ялның яртысы үтеп тә бара. Укучыларыбыз совхозда өлкәннәргә булыша, лагерьларда ял итә, әби-бабайларында кунак була, биби саклый, җиләк җыя. Һәм әлбәттә мәктәп бакчасында практикасын үтә. Үзләре чүбен утап, суын сибеп үстергән яшелчәләр, җиләк-җимешләр белән ел буе сыйланачак бит алар.