Иртәнге линейкада дежур торган 11 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 5 нче сыйныф танылды.”Иң чиста класс”-10 нчы сыйныф, “Иң тәртипле укучылар ” - 11 нче сыйныф билгеләнде.

«Мөхтәрәм Татарстан мөселманнары!
Кадерле ватандашлар!
Сезне чын йөрәктән Корбан бәйрәме белән тәбрик итәм!
Бу көннәрдә планетабызның төрле почмакларыннан килгән миллионлаган мөэмин-мөселман ислам дөньясының үзәге саналган Мәккә шәһәренә хаҗ кыла, Ибраһим пәйгамбәрне һәм барлык дин кардәшләребезне туры юлга күндерүе өчен Аллаһыга чиксез рәхмәтләрен җиткерә. Кайда гына булсак та – изге хаҗ сәфәрендәме яисә туган йортыбыздамы – бүген безне күңелләребездәге татулык, мәрхәмәтлелек, шәфкатьлелеккә омтылу хисләре берләштерә...

7 нче сентябрь көнне Алан мәдәният йортында 2016-2017 нче уку елында беренче ата-аналар җыелышы булып узды. Әлеге җыелышка авыл җирлеге башлыгы Хакимов С.Ш., район башкарма комитетыннан вәкилләр чакырылган иде. Алар әти-әниләрне районда булган яңалыклар белән таныштырдылар. Мәктәбебез директоры Гүзәл Галимулловна эчке тәртип кагыйдәләре, алда торган максатлар, куелган бурычлар турында аңлатып үтте.
 

6 нчы сентябрь көнне Бөрбаш мәдәният йортында 2016-2017 нче уку елында беренче ата-аналар җыелышы булып узды. Әлеге җыелышка районыбызның эчке эшләр бүлегеннән, район башкарма комитетыннан, ЮХИДИ бүлегеннән вәкилләр чакырылган иде . Алар әти-әниләрне районда булган яңалыклар белән таныштырдылар. Мәктәбебез директоры Гүзәл Галимулловна эчке тәртип кагыйдәләре, алда торган максатлар, куелган бурычлар турында аңлатып үтте.

5-6 нче сентябрьдә уздырылган финанс грамоталыгы көне кысаларында мәктәбебездә һәр класста тәрбия сәгатьләре булып узды.Укучыларыбыз бу юнәлештә булган яңалыклар белән таныштылар.

Кадерле балалар, укучылар!
Безнең татарда “тел ачкычы” дигән тирән мәгънәле гыйбарә бар. Бу инде дөньяга килгәндә үк адәм баласының күңел түрендә туган теле, ана теле булуы, аны ачар өчен бары тик ачкыч таба белү генә кирәклеге турында сөйли. Ә бу ачкыч, гадәттә, әти-әни, әби-бабай кулында була. Аннары балалар бакчасында – тәрбиячеләр, мәктәптә укытучылар ярдәме белән сөйләм теле көннән-көн байый, язу теле шомара, камилләшә бара. Ә калганы инде сезнең үзегездән тора.
Әниегез никадәр кадерле булган кебек, ана телебез дә сезнең өчен шундый ук кадер-хөрмәткә ия булырга тиеш. Тел, беренче чиратта, кешеләр белән аралашу, дөньяны танып-белү өчен кирәк. Татар кешесе дөньяга татар күзләре белән карый, авазларны татар колагы белән ишетә. Шуңа күрә милләттәшләре белән үз туган телендә аралашкан кешеләр бер-берсен тизрәк һәм яхшырак аңлый, туган тел кешеләрне бер-берсенә якынайта, берләштерә, туганлаштыра....

Россия Президенты Владимир Путин Белем көненә ике атна вакыт калып килгәндә РФ Мәгариф һәм фән министры итеп Ольга Васильеваны билгеләде. Аңа кадәр әлеге постта Дмитрий Ливанов иде. 
Яңа министр хәбәр итүенчә, мәгариф системасында быел үзгәрешләр көтелә. "Татар-информ" планлаштырылган үзгәрешләрне барлады.
Дәүләт имтиханнары
“Бердәм дәүләт имтиханнары структурасы буенча җитди үзгәрешләр планлаштырылмый. Бердәнбер үзгәреш кертеләчәк нәрсә - ул биремнәр формасы. Без тестлардан читләшәчәкбез, җавапларны сайлап алу буенча биремнәр азая барачак”, - дип билгеләп үттеләр Россия Мәгариф һәм фән министрлыгында. Быел физика, биология һәм химия буенча биремнәрдә тест өлеше булмый...

3 нче сентябрь – Терроризм корбаннарын искә алу көне буларак билгеләп үтелде. Барлык классларга бердәм дәрес күрсәтелде. Бесландагы трагедия беркайчан да кабатланмасын. Сугышлар булмасын!

Сентябрь дә килеп җитте
Сагынып көткән көннәр.
Бәйрәмгә дип үстердем мин
Өй түребездә гөлләр.
Мәктәпкә ашыктык бүген
Тотып чәчәк бәйләмен.
Җиз кыңгырау чыңла әйдә,
Котлап Белем бәйрәмен.
1 сентябрь Белем бәйрәме көнен кем генә көтеп алмый икән. Мәктәпкә тәүге кат укырга килүче нәни балалардан башлап, лаеклы ялда булган өлкән яшьтәге ветеран укытучыларыбыз һәм һәр гаилә өчен иң каунычлы бәйрәм ул белем бәйрәме. Чөнки бу көнне берсеннән – берсе чәчәктәй матур балалар бар урамнарны ямьләп , ап – ак алъяпкычлар, ап – ак күлмәкләр киеп, ап - ак бантиклар тагып, изге белем йортына аяк басалар, матур бәйрәм тантанасына җыйналалар. Укучыларыбызны, мәктәп коллективын, ветеран укытучыларыбызны котлап Татарстанның баш казые Җәлил хәзрәт, район мәгариф бүлегеннән, тәртип саклау һәм эчке эшләр идарәсеннән, Бөрбаш җәмгыятеннән килгән кунаклар бәйрәм белән котлап үттеләр, изге теләкләрен җиткерделәр. Кунакларның һәммәсе беренче сыйныфка укырга керүче балаларны бүләкләп үттеләр. Бәйрәмдә катнашкан һәркем тантанадан соң ашханәдә бәйрәм табынында утырдылар, төрле тәм – томнар, пылау белән сыйландылар. Шундый матур бәйрәм оештырган өчен бәйрәмдә катнашкан һәркем мәктәп администрациясенә һәм Җәлил хәзрәткә олы рәхмәтләрен белдерделәр .