"Без ГТО тапшыруга әзер" акциясе кысасында укучылар рәсемнәр ясадылар

  Бүген мәктәптә  ГТО акциясе уңаеннан  нормативларны дөрес тапшыруга кагылышлы видеофильмнар күрсәтелде.

       Биология укытучысы Юсупов Р.К. "Кошлар-безнең дусларыбыз" исеме астында кичә үткәрде.Укучылар кошларга карата төрле сорауларга җавап бирделәр, уеннар уйнадылар.Рәсемнәргә бәйге үткәрелде.

 Бүген мәктәпкә психология үзәгеннән белгечләр килде.Алар укучылардан анкета сорауларына җавап алдылар.

Укучыларның каникулларын күңелле итү максатыннан район кинотеатрыннан килеп , "Иван Царевич и Серый Волк3" исемле мультфильм күрсәттеләр.Тәм-томнар сату да оештырылды.Укучылар кызыксынып карадылар.

Быел Татарстан мәктәпләрендә укучыларның язгы каникуллары 21 мартта башлана. Укучылар 9 көн – 29 мартка кадәр ял итәчәк. 30 марттан дүртенче чиреккә старт бирелә

Бүген мәктәптә 8,9 сыйныф җитәкчеләре Фатхуллина М. Ф. һәм Насыйбуллина Г. С. җитәкчелегендә "Әни кирәк" дип исемләнгән әдәби-музыкаль кичә булды. Балалар әниләренә багышлап шигырьләр сөйләделәр, матур итеп җыр-биюләр, кызыклы күренешләр башкардылар. Аннан соң әниләр һәм балалар ике командага бүленеп, кызыклы ярышларда катнаштылар, тапкыр сүздә, җыр- биюдә көч сынаштылар. Бергәләп чәй эчү бәйрәмгә тагын да ямь өстәде.

Бүген мәктәптә 8 нче март- Халыкара хатын- кызлар көне уңаеннан Әниләр бәйрәме оештырылды.Бәйрәмне 5 нче сыйныф җитәкчесе Гизатуллина Р.З кызлар ярышы формасында үткәрде.Бәйрәм  чәй табыны артында дәвам итте.

Бүген татар теле һәм әдәбияты укытучыларының "Туган тел- 2016" мастер -класс бәйгесенең  муниципаль туры узды. Безнең мәктәп данын яклап Насыйбуллина Гөлфия Солтан кызы катнашты һәм 2 призлы урынга лаек булды.  Аны әлеге җиңүе белән тәбрик итәбез һәм киләчәктә дә зурдан-зур иҗади уңышлар телибез!

Мәктәбебезнең 8 нче сыйныф укучысы Насыйбуллина Әлфинә Рафис кызы   күренекле мәгърифәтче , галим Ибраһим Хәлфин истәлегенә багышланган XI нче республика фәнни- эзләнү конференциясенең Казан шәһәрендә үткәрелгән  йомгаклау турында катнашты.