"Наркотикларсыз тормыш" акциясе  кысасында  спорт мәйданчыгында  уеннар оештырылды.

"Наркотикларсыз тормыш" айлыгы кысасында сәламәт яшәү рәвеше алып бару максатыннан укытучылар Фәтхуллина М.Ф,Вәлиева Г.С  укучылар белән табигатькә экскурсия оештырды. Балалар  төрле уеннар уйнап күңел ачтылар, ял иттеләр.

Балаларны яклау көне уңаеннан  Иске Салман авылы культура  йорты хезмәткәрләре Гарипова Г.С. һәм Сункишева Г.Г. "Сабантуй" бәйрәме оештырдылар.Бәйрәм  балаларның күңеленә хуш килде.

«Наркотикларсыз тормыш» дип исемләнгән кисәтү айлыгы старт алды.

15.05.17-5.06.17 мәктәптә "Игътибар,балалар!" исеме астында чаралар үтә. «Игътибар, балалар!» профилактик акциясе җәйге каникуллар чорында балалар катнашында юл-транспорт фаҗигаләрен кисәтү, профилактикалауга юнәлдерелгән.  

Бөек Җиңүнең 72 еллыгы уңаеннан авылыбыз уртасында урнашкан Билгесез солдат һәйкәле янында митинг үткәрелде. Укучыларыбыз сугыш һәм тыл ветераннары хөрмәтенә концерт куйдылар,сугышта һәлак булып калган батырларыбызга венок куелды.

ТР Министрлар Кабинеты Карары буенча, Экология елы кысаларында, 2017 елның 29 нчы апрелендә традицион республика табигатьне саклау акциясе үткәрелде.  Мәктәбебез укучылары биология укытучылары Юсупов Р. К.  һәм Шарипова Г. С. җитәкчелегендә мәктәп территориясе һәм туган авылыбыздан чыгучы юл  кырыена нарат һәм тупыл үсентеләре утырттылар. 

Укучыларның иҗади сәләтләрен үстерү, аларны фәнни- тикшеренү эшенә җәлеп итү максатыннан 2017  елның 26 нчы апрелендә Нәби Дәүли исемендәге Базарлы Матак гимназиясендә  укучыларның Нәби Дәүли исемендәге IV Ачык фәнни-тикшеренү конференциясе булып узды. Мәктәбебез укучылары әлеге чарада актив катнашты. Укучыларыбыз  Халиуллина Р. Г. җитәкчелегендә  "Математика һәм информатика"  секциясендә чыгыш ясап 2 нче урынга ,инглиз теле укытучысы Фәтхуллина М. Ф. җитәкчелегендә инглиз теле секциясендә фәнни- тикшеренү эше яклап, 2 нче призлы урынга лаек  булды.  Укучыларыбызны чын күңелдән котлыйбыз һәм аларга киләчәктә дә җиңүләр теләп калабыз!