14.10.16- Балалар иҗат йортында өлкән укучылар советы утырышы булды.Анда бу уку елына эш планы кабул ителде,девиз һәм җыр сайланды.Безнең мәктәптән  9 нчы сыйныф укучылары Насыбуллина Ә.Р.,Ахметшина Л.Н. катнашты.

8 нче октябрь көнне Балалар иҗат йортында укучыларны  ЮНАРМИЯ челәр рәтенә кабул итү булды.Безнең мәктәптән дә укучылар бу тантанада катнаштылар.

Бүген  мәктәптә  "Әбием-алтыным" исеме астында бәйрәм кичәсе үтте.Укучылар  өлкәннәрне хөрмәтләп концерт күрсәттеләр.Бәйрәм чәй табыны артында дәвам итте,

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.Безнең мәктәп коллективы авыл күләмендә оештырылган бәйрәмдә үзләренең чыгышлары белән мәдәният йортындагы чарада катнашалар

Бәйрәм белән  сезне ,Өлкәннәр!

Бүген мәктәптә "Укучының  мәдәни көндәлеге"  проекты эшен дәвам итү максатында  Бердәм Дәрес үткәрелде. Башлангыч сыйныф укучылары Татарстаныбыз буйлап  кызыклы виртуаль сәяхәткә чыктылар,  күренекле урыннар белән таныштылар, кызыклы уеннар уйнап, табышмаклар чиштеләр. Дәресне башлангыч сыйныф укытучылары Вәлиева Г. С., Хәйбуллина Г. К. авылыбыз китапханәчесе Гарипова Г. С. белән бергәләп үткәрделәр.

Бүген "Экстремизмга-юк!" айлыгы уңаеннан "Салман ОП" янгын сүндерү бүлеге командиры Халиуллин Р.Р.  башлангыч сыйныф укучыларына  "Ут белән шаярмыйк" исеме астында чара үткәрде,укучыларга памяткалар таратты.

Бүген 9 нчы сыйныф укучылары өчен соңгы кыңгырау яңгырады. Сыйныф җитәкчеләре Фәтхуллина М. Ф. белән бергәләп әзерләнделәр алар бу кичәгә. Бәйрәмгә чыгарылыш сыйныф укучыларының әти-әниләре, дәү әниләре дә килгән иде.  Тәбрикләүләрдән соң укучылар үзләрен укыткан укытучыларына, мәктәп персоналына, әти-әниләренә рәхмәт сүзләре җиткерделәр, бүләкләр тапшырдылар.  Бәйрәм тантанасы чәй табынында дәвам итте.

Бөек Җиңүнең 71 еллыгы авылыбызда зурлап билгеләп үтелде.Билгесез солдат һәйкәле янында уздырылган минтингта сугыш  һәм тыл ветераннары катнашты. Укучылар концерт күрсәттеләр.