Балалар һәм яшүсмерләрнең " Йолдызлык- 2017"  сәнгать фестивале үз эшен дәвам итә. 13 нче февраль  көнне мәктәбебезнең  муниципаль этабына үткән ялгыз җырчылары һәм алып баручылары  район сәхнәсендә мәртәбәле жюрига үз сәләтләрен кабат тәкъдим иттеләр

10 нчы февраль көнне район күләмендә "Иң шәп әйдаман" конкурсы булып узды. Конкурста мәктәп үзидарә җитәкчеләре үз көчләрен сынаштылар. Такталачык төп гомуми белем бирү мәктәбеннән 8 нче класс укучысы Шакирова Эльвина катнашты. Үз көчен ул 3 төрле этап аша сынап карады. Әйдаманнар үзләрен күрсәтергә, пионерия тарихы буенча тест узарга һәм мастеркласс күрсәтергә тиеш иделәр. Нәтиҗәдә Шакирова Эльвина катнашучы сертификатына ия булды.

 Мәктәбебездә музыка белгече, авылдашыбыз, бүгенге көндә Түбән Кама шәһәрендә яшәүче  Камил Суфиян улы Сафуанов  белән очрашу булды.  Ул сәнгать мәктәбенең музыка  бүлегендә шөгыльләнүче укучылар белән танышты. Аларга үзенең киңәшләрен бирде. Камил Суфиян улы-  сәнгать мәктәбе укытучысы Вәлиева Ильмира Мәгъсүм кызының  беренче укытучысы. Ул үзенең шәкертенә эшендә куллану өчен һөнәри юнәлештә үзе чыгарган байтак кына китаплар бүләк итте.  

 Такталачык төп гомуми белем бирү мәктәбе базасында "Йолдызлык- 2017" иҗат фестиваленең төбәк туры булып узды.  Фестивальдә  Такталачык, Такталачык интернат мәктәбе, Теләкәй, Тат. Ямалы, Чалманарат мәктәбе укучылары районнан килгән хөкемдарлар игътибарына үзләренең  сәнгать өлкәсендәге сәләтләрен күрсәттеләр. Жюри тарафыннан уңышлы чыгышлар район турына тәкъдим ителде.

 Мәктәбебездә  Актаныш  технология техникумы вәкилләре булып китте.  Алар,   9нчы класс укучылары белән  очрашып, Актаныш технология техникумы, анда керү тәртибе, белем бирү юнәлешләре, өстәмә белем алу мөмкинлекләре, яшәү шартлары  белән таныштырдылар, укучыларның сорауларына җавап бирделәр. 

- Такталачык төп гомуми белем бирү мәктәбенең 3 класс укучысы Шайхенуров Әнвәр (укытучысы Шаемова З.Ф.) рәсем конкурсының "Живописная работа" номинациясендә 1 урынны яулады. Молодец!. Алга таба да уңышлар телибез сезгә.

3 февраль көнне 9 сыйныф укучыларының ата-аналар җыелышы узды. Җыелыш барышында, мәҗбүри һәм сайлау фәннәреннән тапшырып карау имтиханнарының нәтиҗәләре анализланды, алга таба эш юнәлеше билгеләнде. Фән укытучылары һәр укучының материалны үзләштерү дәрәҗәсе белән таныштырды.Төп дәүләт имтиханын уңышлы тапшыру юнәлешендә бурыч-максатлар билгеләнде. Ата-аналар тарафыннан контроль кирәклегенә басым ясалды.

31 январь көнне 9 сыйныф укучылары физика фәненнән имтихан тапшырып карадылар. Эшләр тикшерелеп һәм анализланып, имтиханга әзерлек дәвам итә.

 "Ел укытучысы" кысаларында уздырылган "Кеше тәрбияләү" номинациясендә  яхшы чыгыш ясап, педагог- организатор Фазылов Азат Мирас улы уңышка иреште.  Бу бәйгедә ул үзен инициативалы, иҗади эшләүче, заман белән бергә атлаучы, яңалыкка омтылучы оештыручы буларак күрсәтә алды.  Нәтиҗәдә, ул- "Өмет" номинациясе җиңүчесе. Азат Мирас улын һөнәри җиңүе белән котлыйбыз. Киләчәктә зуррак уңышларга ирешүен телибез.

-- Район күләмендә 2-4 сыйныф укучылары арасында матур язу конкурсы игълан ителгән иде. Такталачык төп гомуми белем бирү мәктәбе укучылары  конкурска тырышып әзерләнделәр. 2 класс - Вахитова И., 3 класс - Шайхенуров Г., 4 класс - Шарафутдинова Г. җиңүчеләр булдылар һәм мәктәп данын якларга төштеләр. Нәтиҗәләр көтәбез.