16 январьдан 21 январьга кадәр инглиз теле атналыгы үткәрелде. 1-9 класс укучылары белән команда ярышлары, викториналар, уеннар оештырылды. 5-6 класс укучылары инглиз телендә "Шалкан" ( Turnip) әкиятен сәхнәләштерделәр. Соңыннан атналыкка йомгак ясалды, җиңүче укучылар билгеләнде, истәлекле бүләкләр бирелде.

21 нче январьда  Такталачык төп гомуми белем бирү мәктәбендә   9 нчы класс укучылары математика фәненнән төп дәүләт имтиханын тапшырып карадылар. Эшләргә анализ ясалды, алга таба белемнәрне арттыру өчен эш төрләре планлаштырылды.

Актаныш районында 2017 ел "Туган авылым тарихы" елы дип игълан ителде.Гыйнвар  ае "Горурлык ае" якташыбыз, Татарстан республикасынын беренче президенты Минтимер Шәрип улы  Шәймиевның юбилее хөрмәтенә үткәрелгән мероприятиеләр шушы елга старт итеп бирелде.

Район күләмендә “Ел укытучысы - 2017” бәйгесе уздырылды. Безнең мәктәптән башлангыч класс укытучысы Мохтарова Ә.А. катнашты.

М.Ш.Шәймиевкә 80 яшь тулу уңааеннан барлык классларда да аның тормыш юлы һәм эшчәнлеге турында класс сәгатьләре, викторина, рәсем, сочинение конкурслары үткәрелде.

14 январь көнне авылның мәдәният йортында укучылар белән  Искечә Яңа елны каршылау бәйрәме уздырылды. Бәйрәм кызыклы уеннар, ярышлар  белән үрелеп барды.

5 январь көнне район күләмендә Кыш бабай призына көрәш ярышы үтте. 7 класс укучысы Харисов Галинур үз үлчәү авырлыгында 1 урынны алды. Аңа киләчәктә дә зур уңышлар телибез!

6 январь көнне район мәдәният сараенда уку алдынгылары, олимпиадаларда җиңүчеләр, спортта һәм сәнгать өлкәсендә уңышка ирешүче укучылар өчен район башлыгының чыршы бәйрәме үткәрелде.Әлеге дәрәҗәле бәйрәмдә 8 класс укучысы Ситдиков Ирек, 9 класс укучысы Мукимова Марсельеза катнашты. Аларга район башлыгының рәхмәт хаты һәм бүләге бирелде.

24 декабрь көнне башлангыч класс укучылары өчен "Әкият дөньясында" дип исемләнгән Яңа ел тамашасы үткәрелде. Бәйрәмдә уку алдынгылары, төрле конкурсларда катнашкан һәм призлы урын алган укучылар бүләкләнде, соңыннан балалар Кыш бабайга үз һөнәрләрен күрсәттеләр.Килгән кунаклар,ата-аналар балаларның чыгышларын бик яратып карадылар.