Рус теленнән үткәрелгән "Русский медвежонок" конкурсында  катнашкан укучыларга сертификатлар тапшырылды.

11 нче март көнне район күләмендә укучыларның кышкы спартакиадасы узды. Укучылар чаңгы эстафетасы, шахмат, шорт-трек, өстәл теннисы, гер күтәрү, аркан тартышу, йөзү һәм бадминтон кебек спорт төрләрендә катнаштылар. Бадминтон ярышында Мукимова Марсельеза  3 урынны алды.

Мәктәпләрдә ОГЭ ларга әзерләнү дәвам итә. Бүген безнең  мәктәптә Такталачык, Уразай, Чалманарат мәктәбе укучылары да үз белемнәрен сынап карау өчен рус теленнән пробный ОГЭ эшләргә җыелдылар. Бу эшләр укучыларга үз  хаталарын аңларга, тагын да ныграк, тырышыбрак әзерләнергә  мөмкинлек бирә. 

“Чын йөрәктән җылылык” акциясенә йомгак ясалды. Бу акциядә укытучылар да, укучылар да актив катнаштылар. 5 класс укучысы Мингазетдинова Альбина “Благодарение” фонды тарафыннан  диплом һәм кыйммәтле бүләк белән бүләкләнде. Җитәкчесе Фатхуллина Л.Х.

 Хөрмәтле хатын-кызлар! Сезне язның беренче бәйрәме – 8 Март – Халыкара хатын-кызлар көне белән котлыйбыз. Сезнең тормышыгыз яхшылык һәм яктылык, мәхәббәт, якыннарыгызның күңел җылысы һәм игътибары белән тулып, йөзләрегез елмаюдан яктырып, нур чәчеп торсын. Йортларыгызда иминлек булсын ! 

7 март көнне 5-9 сыйныф укучылары арасында "Ягез әле, кызлар!" бәйгесе узды. Кызлар ике командага бүленеп  җитезлектә, тапкырлыкта көч сынаштылар.  

"Мәгариф идарәсе" планы нигезендә һәм укучыларның интеллектуаль потенциалын үстерү максатыннан 6 март көнне  Качкын мәктәбендә "Физик огонек" уены оештырылды. Физик  огонекта район мәктәпләренең 7-8 сыйныф укучылары көч сынашты. Безнең  мәктәптән  Султанова Альбина,  Ситдиков Ирек, Харисов Айнур  составындагы команда катнашты. 

Бүген мәктәптә физкультура укытучысы Нургалиев И.И. 5-9 класс укучылары белән "Күңелле стартлар" ярышы үткәрде. Балалар барлык конкурсларда зур кызыксыну белән катнаштылар.Командаларга кызыклы һәм мавыктыргыч биремнәр тәкъдим ителде,укучылар үзләренең физик һәм  акыл сәләтләрен күрсәттеләр.Барысы да үз командасы өчен җиңәргә тырыштылар. Гомуми нәтиҗәләр буенча "Верные друзья" командасы алга чыкты.

Бүген  8 март бәйрәме уңаеннан 1,3  класста " Гаилә бәйрәме" үткәрелде. Бәйрәмгә әниләр, дәү әниләр һәм дәү әтиләр чакырылды. Кичә балаларның шигырьләре, җырлары, биюләре  белән үрелеп барды. Соңыннан бәйрәм чәй табыны янында дәвам итте.

3 март көнне мәктәптә математика фәненнән төп дәүләт имтиханының сынап карау тестлары үтте. Анда  Татар Ямалы, Такталачык, Уразай, Чалманарат төп  гомуми белем бирү мәктәпләреннән   25  укучы катнашты.  Имтиханда район мәгариф бүлеге  методисты Нуриева А.И. катнашты.