27 март көнне  3 чирек нәтиҗәләре буенча педагогик киңәшмә үткәрелде. Класс җитәкчеләренең, фән ияләренең чыгышлары тыңланды, укыту-тәрбия эшчәнлегенә, биреп карау имтиханнарына, контроль эшләргә  нәтиҗә ясалды, алдагы бурычлар билгеләнде.Чыгышлар буенча фикер алышулар үткәрелде.

23 март көнне “Актаныш” универсаль спорт комплексында 1998 елгы һәм яшьрәк  егетләр арасында Актаныш муниципаль районы Башлыгы призына  татар-башкорт милли көрәше буенча ярыш үткәрелде. Ярышта  29 мәктәптән 130 бала катнашты. 7 класс укучылары Харисов Нәркиз, Харисов Галинур үз үлчәү авырлыкларында беренче, Вакилов Ленар дүртенче урынны алдылар. Команда беренче урынга чыкты. Аларны җиңүләре белән котлыйбыз!

22 март көнне Әтәс төп гомуми белем бирү мәктәбендә үткәрелгән тәрбия эшләре буенча директор урынбасарларының район семинарында  Мусина Д.Т.  “Гаилә  – җылы учак” мастер – классында булды, ачык чара карады һәм эшлекле сөйләшүдә катнашты.

 Борынгы Болгар шәһәре һәм Свияжск утравы турында республика конкурсының район этабында катнашып, « Историко-археологический комплекс города Болгар» номинациясендә 5 класс укучысы Кашапов Салават, 7 класс укучысы Мингазетдинова Ләйлә  беренче урынны алдылар. Җитәкчесе Фатхуллина Л. Х. Аларны җиңүләре  белән котлыйбыз!

Лениногорск шәһәрендә үткәрелгән В.Д.Шашин исемендәге фәнни-практик конференциядә үзләренең проект эшләре белән катнашып 3 класс укучылары Гатин Аяз, Ханов Рүзәл, Салихзянов Ришат  икенче  урынны (җитәкчесе Мохтарова Ә.А.), 6 класс укучысы Варин Фидан өченче урынны (җитәкчесе Фатхуллина Л.Х.)алдылар, 9 класс укучысы Авзалова Н. лауреат исеменә лаек булды (җитәкчесе Гильманова И.Р.)

Мәктәптә язгы каникул вакытында расписание нигезендә 9 класс укучыларының ОГЭ га әзерлек консультацияләре үткәрелә.

Прошёл районный тур Всероссийского конкурса юных чтецов "Живая классика- 2017". Из нашей школы участвовали Кашапов Салават, Варин Фидан. Призёром стал Кашапов Салават. Поздравляем! Учитель Варина Т.Р.

17 март көнне балалар иҗат үзәгендә "Без бергә" балалар халык иҗаты фестиваль конкурсының район этабы узды. Гатин Аяз, Гайнетдинова Луиза, Ситдиков Ирек  катнашып сертификатка ия булдылар. 

Ниһаять, 3 нче чирек  тәмамланды, язгы каникуллар башланды.  Укучыларга  билгеләр, куркынычсызлык кагыйдәләре, каникул планы  аңлатылды.  29 март көнне балалар  кабат укуларын дәвам итәчәкләр. 

16  март көнне район күләмендә инглиз теленнән үткәрелгән "Старые сказки на новый лад" театр конкурсында башлангыч класс укучылары (Гатин Аяз, Ханов Рүзәл, Салихзянов Ришат, Хабетдинова Илнара)  "Три поросенка" әкиятен сәхнәләштерделәр һәм "Лучшая актерская игра" номинациясендә җиңүче исеменә лаек  булдылар. Җитәкчесе: Салихьянова Р.Р.