11 апрель көнне Актаныш №2 мәктәбендә районның инглиз теле укытучылары тарафыннан әзерләнгән инглиз телендә театр конкурсы булып узды. Безнең мәктәптән дә бу бәйгедә Авзалова Гөлшат Илшат кызы җитәкчелегендә  укучылар катнашты. "Өч аю" әкиятен сәхнәләштереп районда 2 урынга ия булдылар. 

10 апрель көнне класс сәгатьләре Космонавтика көненә багышланды.  Укучылар Ю.Гагаринның тормыш һәм хезмәт юлын искә төшерделәр, аның турында фильм карадылар. 

 Каникулдан соң укучыларыбыз мәктәпкә сыерчык оясы ясап алып килделәр. 9 апрель көнне  алардан күргәзмә оештырылды. Җиңүче класс, дөрес итеп ясаучы укучы билгеләнде.

9-11 апрель көннәрендә  мәктәбебебездә Ачык ишекләр көне үткәрелде. Ата-аналар дәресләр тыңладылар, үзләренең кызыксындырган сорауларын бирделәр.

7 апрель  көнне мәктәбебезгә Казан кооператив институтыннан вәкилләр килеп чыгарылыш укучылары белән очрашу уздырдылар. Укучылар үзләренең кызыксындырган сорауларына җавап таптылар.

"Детство без границ" республика бәйгесенең район этабында 4 класс укучысы Сабирова Адилә кул эше белән катнашып 1 урынга ия булды. Җитәкчесе Шәйхелмәрдәнова Н.А. Котлыйбйз!

5 апрель  көнне  районда укучылар арасында хоккей ярышы булды.  Мәктәбебез укучылары да бу бәйгедә катнашты һәм 3 урынга ия булдылар.

"Первые шаги в науку" дип исемләнгән проект-эзләнү эшендә 3класс укучысы Шакирова Мәликә 2 урынга ия булды. Аны һәм аның укытучысы Сәмигуллина Ф.И. чын күңелдән тәбриклибез.

3 март көнне районда 2017-2018 уку елында уңышка ирешкән укытучы, тәрбиячеләрне бүләкләү тантанасы булды. Безнең мәктәптән дә "Ел класс җитәкчесе" бәйгесендә номинант булучы 9 классның класс җитәкчесе Мәгъдәнурова Г.Х.бүләкләнде.

Әлфия Авзалова исемендәге "Халкым моңы" респулика бәйгесенең зона этабы безнең районда үтте. Мәктәбебездән 8 класс укучысы Сәгъбетдинова Сусанна катнашып 2 урынга ия булды. Укытучысы Заһитова И.И.