"Тамчы" балалар бакчасында 26-27 декабрь көннәрендә Яңа ел бәйрәмнәре гөрләп узды. Кыш бабай , Кар кызы нәниләрне бүләк-күчтәнәчләре белән сөендерде.

25 декабрь көнне мәктәп хезмәткәрләренең профсоюз елкасы оештырылды.

25-31 декабрь көннәрендә мәктәбебездә "Урманай" кышкы лагере оештырылды. Лагерьга 15 укучы йөри. Укучылар саф һавада төрле спорт уеннары уйныйлар, чаңгыда, чанада шуалар. Түгәрәкләргә йөриләр, Яңа ел тамашалары карыйлар. 

22-23 декабрь көннәрендә мәктәбебездә Яңа ел бәйрәмнәре үтте. 1-4 класслар, 5-11 класс укучылары үз группаларында рәхәтләнеп бәйрәм ясадылар, ял иттеләр. 

18 декабрь көнне мәктәп коллективы авылыбыз мәдәният йорты каршына кар сыннары эшләде.

12 декабрь көнне РФ Конституциясе көне уңаеннан мәктәбебездә ачык класс сәгате үтте. Тарих, җәмгыять фәне укытучысы Ришат Мансур улы Касыймов илебезнең патша чорыннан алып, хәзерге көнгәчә тарихына күзәтү ясады, тәфсилләп сөйләде. Чара ахырында РФ һәм ТР Гимны башкарылды.

7 декабрь көнне мәктәбебез укучылары Пучы Картлар йортында булдылар Безнең авылдан да монда Мурзина Гөлбикә апа тәрбияләнә. 

Укучылар хәлләрен белеп, концерт номерлары бүләк иттеләр.

1 декабрь көнне Мөмкинлеге чикләнгәннәр көне уңаеннан мәктәптә ярминкә үткәрелде. Аннан кергән акчага пакет тутырылып, тапшырылды.

30 ноябрь көнне районда ата-аналар комитеты конкурсының муниципаль  этабы үткәрелде. Мәктәбебезнең 7 класс укучылары, ата-аналары, класс җитәкчесе Р.Х.Имамова катнашты һәм уңышлы чыгыш ясады.

28 ноябрь көнне авылыбыз мәдәният йортында ата-аналар һәм балалар катнашында "Йолдызлар-йолдызчыклар" дип исемләнгән бәйрәм чарасы үтте. Чара Әниләр көне уңаеннан үткәрелде. Әниләренә, әбиләренә балалар тарафыннан бары җылы хисләр, җылы сүзләр, үз куллары белән эшләнгән бүләкләр тапшырылды.