18 май көнне район мәдәният сараенда сәнгать мәктәбе укучыларының йомгаклау концерты булды. Безнең мәктәптән дә 40 укучы бу концертта катнашты, уңышлы чыгыш ясады.

17 май көнне техникумда укучыларның "Профдебюд" исемле конкурсында 9 класс укучысы Амирова Эльвина уңышлы чыгыш ясады. Укытучысы Магданурова Г.Х. белән "Татар ашлары" һәм "Поварское дело" компетенциясендә катнашып сертификатка ия булдылар. 

15 май көнне Гимназия бинасында Гамил Афзал исемендәге регионара яшь иҗатчылар бәйгесенең йомгаклау туры үтте. Мәктәбебез укучысы Рәшитов Ильяс та бу бәйгедә катнашып, диплом белән бүләкләнде. Бәйгегә әзерләгән укытучысы Рәшитова Илүсә Сәлимҗан кызын һәм Ильясны җиңүләре белән котлыйбыз!

10 май көнне мәктәп укучылары урманчылыкта эшләделәр: агачлары киселгән полосаларга чыршы агачы утырттылар. Бу көн файдалы һәм кызыклы үтте.

26 апрель көнне мәктәптә "Мәңге яши Тукай безнең күңелләрдә" дип исемләнгән әдәби-музыкаль кичә үткәрелде.  Кичәдә авылыбыз китапханәчесе Сибгатуллина Э.Ф., 1-11 класс укучылары, укытучылар катнашты. Г.Тукайның шигырьләре, аның шигырләренә язылган җырлар тыңланды, әсәрләренә сәхнәдә уйналды. 8-9 класс укучылары сорау-җавап уенында катнаштылар. Кичә бик тәрбияви булды. 

26 апрель көнне мәктәптә балаларны саклау көне үткәрелде. Дүрт дәрес тән соң Балаларны саклау көне уңаеннан класс сәгатьләре оештырылды. Эвакуация үткәрелде. Яңадан класслар маршрут кәгазе буенча хәрәкәт иттеләр. Викторина сорауларына җавап бирү, беренче ярдәм күрсәтү, мамык-марля бәйләвече ясау, противогаз кию, күңелле стартлар уеннары  үткәрелде. укучылар үзләренә күп мәгълүмат тупладылар. Үзләрен саклау чараларын  өйрәнделәр.

16-21 апрель көннәре  мәктәптә химия-биология атналыгы дип игълан ителде. 16 апрель көнне атналыклы ачу булса, 18 апрель көнне 5-8 класслар арасында "Иң зирәк" интеллектуаль уены оештырылды.

17 апрель көнне районда БИҮ бинасында ТАССРның 100 еллыгы уңаеннан Татармультфильм студиясе укучыларга ачык чара үткәрде. Очрашу укучыларга бик ошады. Алар Татарстаныбызның бик матур истәлекле урыннарын рәсемгә төшерделәр. Мультфильм әзерләү буенча презентация карадылар. 

13 апрель көнне мәктәптә гомуми уку елын йомгаклау ата-аналар җыелышы булды. Җыелышка районнан Үзәк хастаханәнең өлкән табибы, нарколог, участок табибы Зәкиев Иршат Ханафиевич, район бәлигъ булмаганнар белән эшләү инспекторы Салахова Нурия Заршатовна, участок инспекторы Хакимуллин Рамил Равил улы, җирлек башлыгы Гафуров Әнвәр Әбесогет улы чакырылганнар иде. Очрашу ата-аналар, укытучылар  өчен бик кирәкле һәм файдалы булды. Уку елының уку һәм тәрбия эшләренә дә анализ ясалды, нәтиҗәләр чыгарылды.

12 апрель көнне авылыбыз мәдәният сараенда Балалар иҗат үзәге оештырган "Театр яктылыкка, нурга илтә!" дип исемләнгән театр бәйгесе булды. Мәктәбебез укучылары  Гаянова Йолдыз Заһидулла кызы белән А.Алишның "Сертотмас үрдәк" дип исемләнгән әкиятен сәхнәләштерделәр һәм уңышлы чыгыш ясадылар.