18 декабрь көнне  мәктәп директорлары, аларның тәрбия эшләре буенча урынбасарларының район семинары булып узды. Семинарның темасы- "Мәктәп һәм гаилә бердәмлеге" дип аталды. Мәктәпнең 7 укытучысы ачык дәресләр әзерләделәр. Темадан чыгып, ата-аналар укучыларга мастер класс күрсәттеләр. Өченче өлештә гаиләләр белән берлектә "Йолдыз-йолдызчыклар" дип исемләнгән концерт программасы оештырылды. Семинар үз югарылыгында узды. 

13 декабрь көнне мәктәбебездә "Ел укытучысы" район бәйгесенең зона өлеше үтте. Бу бәйгедә  безнең мәктәптән  география -физика укытучысы Хафизова Резеда Фердинантовна катнашты. 

12 декабрь көнне мәктәбебезгә Яңа Әлем мәктәбендә гомере буе укучыларга татар теле һәм әдәбияты фәнен укыткан , хәзерге көндә лаеклы ялда булса да Актаныш мәдрәсәсендә белем алып, балаларга әдәп, әхлак кагыйдәләрен өйрүтүче хөрмәтле кешебез- Усманова Тәхыя апа белән очрашу булды. Тәхыя апа сөйләгән вәгазьләр, гыйбрәтле хәлләр укучылар , укытучылар күңелендә аңа карата ихтирамны тагын да арттырды. Аз гына вакыт эчендә олы тәрбия чарасы булды ул.

Бүген 8 класста алгебрадан "Тапкырлаучыны тамыр тамгасы астына кертү" темасыннан ачык дәрес үтте.  Укытучы - Имамова Рүзилә Хаҗип кызы.

5 декабрь көнне районыбызда Фарсил Зыятдинов иҗатын тирәнтен өйрәнү максатыннан, Республикакүләм фәнни-эзләнү эше оештырылды. Мәктәбебез дә бу чарадан читтә калмады. 2укучыбыз да призлы урынга ия булдылар. Хуҗина Азилә- "Биология фәнендә  һәм матур әдәбиятта шомырт" , Әхсәнова Илүзә - "Фарсил Зыятдинов әсәрләре- төп тәрбия чарасы ул" темаларына фәнни эшләрен тәкъдим иттеләр.

Мәктәптә математика атналыгы  гөрли. Укучылар, укытучылар тәнәфес вакытларында да мәсьәләләр чишәләр.

Бүген 6 класста математикадан "Үзара кире саннар" темасыннан ачык дәрес үтте.  Дәрестә укучылар актив катнаштылар, кызыклы мәсьәләләр чиштеләр. Укытучы - Хәбирова Ләйлә Фарис кызы.

Математика атналыгы кысаларында укучылар арасында мәсәләләр чишү конкурсы уздырылды.  Барлык класслардан да укучылар теләп катнашты.

Мәктәп буенча җиңүче  - Хафизов Ш. (11 класс) -15 балл - 15 баллдан

Бүген мәктәптә математика атналыгы башланып китте. Атналыкны 6 сыйныф укучылары ачып җибәрде. Алар тормыштан алынган кызыклы хәлләрне сәхнәләштерделәр, шигырьләр сөйләделәр. Математика укытучысы Ләйлә Фарис кызы укучыларны һәм укытучыларны атналык планы белән таныштырды.

30 ноябрь көнне мәктәбебездә Мөмкинлекләре чикләнгәннәр көне уңаеннан Ярминкә оештырылды. Һәр укучы бу ярминкәгә әзерләнеп килеп, үзеннән зур өлеш кертте. Җыелган суммага 9 мөмкинлекләре чикләнгән кешебезгә пакет тутырып, таратылачак.