4а сыйныф укучысы Бакиров Раил районда кышкы спорт сезонын ябу уңаеннан үткәрелгән чаңгы ярышында 2 урын яулады. Котлыйбыз!

Өченче чирекне "5"ле билгеләренә генә тәмамлаучы укучыларыбыз: Ильфина Галимуллина(5б), Руфина Гафурова, Ясминә Хөсәенова, Таңсылу Шәймәрданова(5г), Эвелина Хафизова, Камила Бикимова, Эделина Әдиятуллина(6б), Лиана Шакирова(7а), Азалия Маликова, Азалия Әмирова(7б), Камила Төхбәтуллина, Румиль Хаҗиев(7в), Алинә Хәернасова, Рәмилә Әмирханова, Алия Ибраһимова(8а), Альбина Әхмәтҗанова(8в), Айнур Гилаев(9б). Аларны тантаналы линейкада гимназиябез директоры Венера Хаматнасых кызы тәбрикләде. Котлыйбыз!!!

Актаныш гимназиясендә бүген ата-аналар җыелышы узды. Очрашуда мәртәбәле кунаклар - Актаныш районы башлыгы Энгель Нәвап улы Фәттахов, "Менеджмент академиясе" өстәмә һөнәри белем бирү автономияле мәгариф оешмасының компетенцияләр үзәге директоры, психология фәннәре кандидаты, "Сириус" белем бирү үзәге укытучысы Репина Ольга Константиновна катнашты.

Бүген – 25 март – Россиядә мәдәният хезмәткәрләре көне. Барлык сәнгать сөюче дусларыбызны, нәфис сүз, театр, җыр-бию, рәсем ясау, музыка уен коралларында уйнауда үзләренең сәләтләрен үстерүче укучыларыбызны, балаларга мәдәни белем бирүче укытучыларыбызны әлеге һөнәри бәйрәм белән котлыйбыз. Бәйрәм белән сезне!

8-9 сыйныф укучылары тәрбияче Зөлфия Хафизова белән татар халык ашлары әзерләүне өйрәнү нигезеннән кабартмалар пешерделәр.

Бүген 7а, 7в сыйныфы укучылары икенче чиректә класслар арасында булган ярышта 2–3 урыннар алган өчен Яр Чаллы шәһәрендә урнашкан балалар өчен "Кванториум"  технопаркында кунакта булдылар. Биредә аларга экскурсия һәм төрле мастер-класслар тәкъдим ителде. Балаларга бик ошады.

Бүген, 25 март көнне, "Батыр" спорт комплексы базасында "Мәктәп волейбол лигасы" республика проекты кысаларында Татарстан Республикасы Актаныш муниципаль районы гомуми белем бирү учреждениеләре укучылары арасында волейбол буенча турнирның муниципаль этабы узды. Мәктәп эчендәге этап нәтиҗәләре буенча муниципаль этапка 7 егетләр командасы үтте. Алар арасында район буенча 3 нче урынны алып безнең гимназия егетләре командасы. Шулай ук беренчелекне яулап, кызлар командасы да алдагы этапка үтә. Афәрин! Киләчәктә дә уңышлар телибез!

Алексей Анатольевич Бабаянц! Аның вакыты шулкадәр тыгыз ки, Россиянең төрле төбәкләреннән чакырулар кабул итеп, һәркайсына җитешү өчен аена 15 әр очыш ясый ул. 

Аның чыгышын тыңлаганнан соң, бала да, ата-ана да, укытучылар да үзләрен яңа яктан ача. Ул – мәртәбәле психолог, лектор, консультант, гештальт-терапевт. 

Алексей Анатольевич белән очрашу гимназиядә 5 апрель көнне булачак. Аңа кадәр интернетта аның видео-лекцияләрен тыңларга, үзеңне кызыксындырган, борчыган сорауларыңны әзерләп куярга вакыт бар әле. Тизрәк, тизрәк! Укырга, өйрәнергә һәм очрашуга җитди әзерлек белән килергә! Мондый бөек шәхесләр белән бер биш минут кына аралашу да, аның киңәшен ишетү дә кешенең тормышын үзгәртергә сәләтле! 

Укучылар, ата-аналар, укытучылар, сезне 5 апрель көнне 11 сәгатьтә гимназиянең актлар залына очрашуга көтәбез.

Театр атналыгы барышында 7А сыйныфы бүген Шәриф Камалның "Әни килде" спектаклен сәхнәгә куйды. Сыйныф җитәкчесе Регина Фәрдиева.

Туфан Миңнуллинның "Әлдермештән Әлмәндәр" спектакле 8А сыйныфы укучылары башкаруында. Сыйныф җитәкчесе Рәмилә Хаҗиева.