Бөтендөнья су ресурсларын саклау көне уңаеннан, егетләр интернатында экологик дәрес узды. "Россия диңгезләре: яналган хәвефләр һәм саклау" темасына эчтәлекле сөйләшү булды. 

Егетләр интернатында узган экологик дәрестән соң, укучылар су үзлеген тикшереп, төрле тәҗрибәләр үткәрделәр.

"Татар кызы нинди була?" - әлеге сорауга җавапны гимназиябез кызлары бергәләп эзләде. Татар кызы-гади кыз түгел. Татар кызы-чибәр һәм сылу. Татар кызын бар да ярата - Татар кызы шатлык тарта. Кызларыбыз татар милли киемнәре, татар халык ашлары, милли бәйрәмнәр буенча белемнәрен тулыландырдылар. Сорауларга җавап эзләделәр. Мәкальләр әйттеләр. Уңган кызларыбыз калфак та эшләделәр. Татар халык ашларын пешерү буенча үз тәҗрибәләре белән уртаклаштылар. Тәрбияче - Исламова Зөлфия Зәет кызы.

10 класс укучылары "Яшьлек" яшьләр үзәгендә "Сайлау хокукы" исемле фильм карадылар. Фильм бүгенге яшьләрнең үзара мөнәсәбәтләре турында булды.

Гимназиябез Башкортостан Республикасының Мәгариф һәм фән министрлыгыннан, Уфа, Күмертау, Сибай шәһәрләреннән, Илеш районыннан мәгариф өлкәсендә хезмәт куючы җитәкче-белгечләрне кабул итте. Актанышлыларның Башкортостан Республикасы мәгариф учреждениеләрендә эшлекле сәфәр барышында алган тәҗрибәсе, үзара хезмәттәшлек бүген тагын бер баскычка күтәрелде. Кунаклар Актаныш гимназиясендә укучыларның һәр яклап талантларын ачуларына сокландылар. Сәнгатьтә, спортта, һөнәрчелек өлкәсендә һәм IT проектларны гамәлгә куюдагы уңышларыбызны да бик кызыксынып өйрәнде кунакларыбыз. Үзләре дә бик теләп укучылар үткәргән мастер-классларда катнашты алар. Гимназиянең “Акыллы мәктәп” буларак инновацион эшчәнлеге дә, яңалык буларак, хуплау тапты аларда. БР Мәгариф һәм фән министры Айбулат Вәкил улы Хажин үзара хезмәттәшлек өчен Актаныш район башлыгы Энгель Нәвап улы Фәттаховка, гимназия директоры Венера Хәмәтнасыйх кызы Хәевага Рәхмәт белдерде.

9 сыйныф кызлары тәрбиячеләре Зөлфия Мазхар кызы Хафизова белән токмач кистеләр.

Бүген безне 5 сыйныф укучысы Лилия Вәлиева сәламли. Лилиядән шигъри сәлам!

МАТУР ЯЗ КӨННӘРЕ

Җитте матур яз көннәре -

Кояш елмаеп карый.

Күчмә кошлар сөенешеп

Яшәргә оя сайлый.

Сыерчыкның оясына

Чыпчыклар оялаган,

Ә сыерчык аны куа

Чыгарырга оядан.

Без аларга ярдәм итик -

Ясыйк матур оялар.

Без ясаган ояларга

Алар кереп оялар.

Актаныш гимназиясенең башлангыч сыйныф укытучысы Светлана Риф кызы Шәйхуллина Сәхнә осталыгы буенча XI Бөтенроссия балалар-яшүсмерләр ачык фестиваль-конкурсында катнашып, "Драматургия һәм сәхнә осталыгы" номинациясендә I дәрәҗә лауреат булды. Котлыйбыз!
#ГимназияАктаныш

Бүген - 5 апрель - Халыкара аш көне! Тәмле ашлар пешереп, Гаилә бәйрәме ясарга менә дигән мөмкинлек. Бәйрәм тарихы Борынгы Кытай дәүләтенә барып тоташа.

БЕЗНЕҢ БЕЛЕШМӘ. Безнең эрага кадәр 100 ел элек ашка охшаган ризык кайнатыла башлый. “Аш” сүзе латин тамырларына карый һәм “икмәк салынган шулпа” дигәнне аңлата. Борынгы гасырларда ит, балык, яшелчә ашларын шулпа дигәннәр. Кытай хроникаларында аш-су китабы турында искәртү сакланган, анда ашларга аерым бүлек бирелгән. Бу китапның фаразланган яше – безнең эрага кадәр 4700 ел. Россиядә ел саен 30 миллиард порция аш ашала. Бу санга шулай ук борщ, щи, тавык шулпасы белән токмачлы аш та керә. Россиялеләр аш ашау буенча дөньяда – икенче урында. Беренче урында Кытай халкы тора.