ТР Дәүләт идарәсен цифрлы нигездә үстерү, мәгълүмат технологияләре һәм элемтә министрының беренче урынбасары Илья Сергей улы Начвин гимназиябездә булып, “Акыллы мәктәп”, цифрлаштыру, IT проектлар эшчәнлеге белән танышты. Цифрлаштыру юнәлешендә гимназиябезнең алга куйган бурыч-максатлары, үсеш стратегиясе хакындагы фикерләрен Илья Сергей улы түгәрәк өстәл барышында белдерде.

Кызлар интернатында 5-8 сыйныфлар арасында җомга чарасы "Әйләнә-тирәдә эстафета" ярышы узды. Тәрбияче - Хуҗина Зөһрә Спартак кызы.

Хөрмәтле укучылар, әти-әниләр! 27 нче май көнне гимназиябездә 5 сыйныфка сайлап алу имтиханнары уза. Имтихан рус теле һәм математика фәннәре буенча үткәрелә.

7-12 май көннәрендә гимназиябездә «Төп һәм урта белем бирү программаларын тормышка ашыручы белем бирү оешмалары арасында иң яхшы интернат тәрбиячесе» районара конкурсы узды. Бәйгедә Татарстанның Актаныш һәм Мөслим районнарыннан 12 тәрбияче катнашты. Абсолют җиңүче - Сәлахова Гөлназ Әнфәс кызы ("Сәләтле балалар өчен гуманитар гимназия-интернат»), 1 урын - Мансурова Айгөл Сәгыйт кызы ("Сәләтле балалар өчен гуманитар гимназия-интернат"), 2 урын - Шәрифуллина Алия Вил кызы ("Сәләтле балалар өчен гуманитар гимназия-интернат"), 3 урын - Бухарова Резеда Зәкәри кызы (Мөслим районы “Сәламәтлек мөмкинлекләре чикләнгән балалар өчен Түбән Табын мәктәп-интернаты”), лауреат - Хуҗина Зөһрә Спартак кызы ("Сәләтле балалар өчен гуманитар гимназия-интернат"). Котлыйбыз!

7-8 сыйныфларда геометрия фәне буенча йомгаклау аттестациясе башланды.

Гимназиябезнең укучылары Себер һәм Ерак Көнчыгышның туган телләре буенча төбәкара олимпиадада катнаша. Олимпиада дистанцион режимда уза. Регионара олимпиаданы Алтай Республикасының Мәгариф һәм фән Министрлыгы оештыра. Бүгенге олимпиадада Алтай, Бурятия, Саха (Якутия), Татарстан, Тыва, Хакасия һәм Кемерово өлкәләреннән 9-11 сыйныф укучылары катнаша. 

6 нчы май көнне гимназиябездә зур бәйрәм - 2021-2022 уку елы алдынгыларын хөрмәтләү тантанасы узды. Уңыш бәйрәме! 

Яр Чаллы шәһәрендә узган регионара "Дөнья яшь язучылар күзлегеннән" иҗади конкурсында 1б классы укучысы Солтанова Таңсылу һәм 4б классы укучысы Шәйхуллина Зилә җиңү яуладылар һәм диплом, истәлекле бүләкләр белән бүләкләнделәр. Укытучылары: Шәйхуллина Светлана Риф кызы һәм Солтанова Гөлназ Дилшат кызы.

Егетләребез атнага 2 тапкыр бассейнга йори.

Интернатта торучы егетләребез көн дә тренажерлар залында үз көчләрен артыру һәм сәламәтлекләрен ныгыту өстендә эшлиләр.