"Бүләк" аланының "Дуслык күпере" сменасында ял итүче балалар бүген Кәзкәй авылында экспедициядә булды. Кәзкәй авылы тарихын аксакал - җирлек тарихын туплаучы Хәнис Хәтмулла улы Төхбәтуллин сөйләде.

Рус теле буенча халыкара олимпиадада 8а сыйныф укучысы Рәмилә Әмирханова - җиңүче, Алинә Хәернасова - призёр (укытучылары Энҗе Фирдәвис кызы Шәгъзамова); 10 сыйныф кызлары Рания Юнысова, Динара Камилҗанова, Алинә Галимова (укытучылары Ирина Альбиновна Нурыева) призер булдылар. Молодцы! Укучыларыбызны һәм укытучыларыбызны әлеге мәртәбәле җиңү белән котлыйбыз!

Актаныш районы башлыгы Энгель Нәвап улы Фәттахов "Бүләк"тә - "Дуслык күпере"ндә ял итүче балаларны ачылу тантанасында тәбрикләде.

Гимназиябез директоры Хәева Венера Хәмәтнәсыйх кызы лагерьда ял итүче балаларны котлап, "Дуслык күпере" сменасында булачак яңалыклар белән таныштырды.

Хөрмәтле әти-әниләр, укучылар! 27 нче май көнне узган 5 сыйныфка сайлап алу имтиханнары нәтиҗәләре билгеле. Белешмәләр өчен телефоннар: 8-939-331-94-95, (88555)23-41-81.

Ел дәвамында төрле конкурсларда катнашкан, җиңү яулаган укучыларыбызга тантаналы линейкада дипломнары тапшырылды. Котлыйбыз!

2В классында уку елын йомгаклау җыелышы узды. Укытучыбыз Дилара Дуглас кызы уку елына анализ ясап, нәрсәләргә игътибар итәргә кирәклеген әйтте. Балаларыбыз үзләренең чыгышларын һәм эшләгән эшләре белән күргәзмә оештырып әти-әниләргә тәкъдим иттеләр. Укытучыбызга чын күңелдән рәхмәтләребезне җиткерәбез. Уку елы дәвамында бар көчегезне безнең балаларыбызга белем бирүгә багышлаганыгыз, сабырлыгыгыз өчен мең рәхмәт Сезгә! - дип хәбәр итә ата-аналар.

Өченче чиректә тәрбия рейтингында җиңү яулаган 10 в классы бүген Яр Чаллы шәһәрендә сәяхәттә.

7а, 7б, 7в, 7г һәм 10 сыйныф укучылары Сабантуй җирендә узучы өмәдә катнаштылар бүген.

ЮХИДИ начальнигы Шәмсиев Ринат Радик улы үткәргән профилактик "Юл хәрәкәте культурасы" әңгәмәсендә гимназиянең 5а классы укучылары да катнаштылар

28 нче май көнне 13.00 сәгатьтә гимназиябез Сабантуе узачак. Бүләк лагере алдындагы яланга рәхим итегез!