Чаллы шәһәрендә узган якташлар очрашуында "Хәзинә" фольклор ансамбле "Якташлыкка чикләр юк" концертында чыгыш ясады.

Гимназиябезне тәмамлаучы 11 сыйныф укучылары өчен бүген соңгы тапкыр чыңлады! Алда - тормыш юлы, якты уйлар, ак хыяллар, җилкен хисләр. Дәүләт имтиханнары. Кабатланмас үз чишелеше генә булган тормыш сынаулары. Ак юл сезгә, чыгарылыш сыйныф укучылары! Киләчәк заманның горурланырлык шәхесләре булыгыз! Тормышта һәр очракның үз чишелеше бар. Күңелегез кушканча, йөрәгегез әйдәгәнчә яшәгез. Янәшәгезгә дуслар, фикердәшләр сайлый белегез! Уңыш формуласында аларның йогынтысы бик зур! Әти-әни, дәү әти-дәү әни, укытучы-тәрбиячеләр ярдәме белән камилләшеп, һәр очракта да үзегез булып калыгыз!!! 

Чыгарылыш укучыларын гимназиябез директоры Хәева Венера Хәмәтнәсыйховна тәбрикләде. "Һәр баланың сәләтен ача, үстерә белә торган укытучылар, тәрбиячеләр эшли гимназиядә. Чыгарылыш сыйныф укучылары, сезнең белән киләчәктә дә горурланырлык булсын. Сезнең мөмкинлекләр зур, чыгарылыш имтиханнарын да уңышлы тапшырып, юлыгызны матур итеп дәвам итегез", - тантанада катнашып, Актаныш районы башлыгы Энгель Нәвап улы Фәттахов чыгарылыш сыйныф укучыларына хәер-фатихасын бирде.

Беренче укытучылар исеменнән, сыйныф җитәкчеләреннән, әти-әниләрдән изге теләкләнде. Гимназиянең "Ел укучысы-2022" исеменә Булат Гарипов лаек булды. 

Гимназиябезнең "Ялкын" балалар оешмасы волонтерлары, пионериянең 100 еллыгын каршылап, Аеш-Актаныш -Тат.Ямалы авылларында яшәүче пионерия ветераннары - Рөстәм Миркасыймов, Рәдиф Гыйльмуллин, Әлфия Нуриева, Мөсәллия Закирова, Дәлия Ханнанованы котладылар.

Гимназиябез укучылары командасы, 17 май көнне, Актанышның 1 нче урта мәктәбе базасында узучы «Race on MARS-2022» төбәкара робот техникасы ярышларында катнашып, II урын яуладылар. Команда җитәкчесе - Ямалов Филарис Фанис улы. Котлыйбыз!

6 а, б, в классларында инглиз теленнән йомгаклау аттестациясе - телдән имтихан.

Актаныш районы мәктәп директорлары, информатика укытучылары гимназиябез эшчәнлеге белән таныштылар, IT юнәлештә белемнәрен күтәрделәр.

Гимназиябез укучылары пионерия туган көнгә әзерләнә! Быел үткәннәрнең якты хатирәсе булып күңелдә калган пионер оешмасы төзелүгә 100 ел тула! Тарихка күз салсак, 1922 елда Мәскәү урамнарында тигез сафларга тезелгән кызыл галстуклы балалар күренә башлый. Болар беренче пионер отрядлары була. Шул ук елның 19 маенда комсомолның II Бөтенроссия съезды пионер оешмалары төзү турында карар кабул итә. Аның нигезендә барлык шәһәрләрдә, авылларда пионер оешмалары төзелә башлый. Әлеге истәлекле көн уңаеннан, без дә хәтер яңартып алырга, өлкән буынны кызыл галстуклы яшьлек елларына алып кайтырга әзерләнәбез.

5а ,б ,в, г классларында инглиз теленнән йомгаклау аттестациясе - телдән имтихан.

Гимназиякүләм уздырылган “Макулатура җыю” акциясенә тантаналы линейкада нәтиҗә ясалды бүген. Беренче урынны 8 а сыйныфы укучылары яулады. “Иң күп кәгазь тапшыручы” номинациясендә җиңүчеләр – 8 а сыйныф укучылары Мәрьям Хаитова һәм Илина Фәрдиева. Котлыйбыз!!!

2021-2022 уку елында фән олимпиадаларында иң күп призер һәм җиңүчеләр әзерләгән гимназиябез районкүләм бәйгедә Гран-при яулады. Актаныш районы башлыгы Энгель Нәвап улы Фәттахов гимназиябез җитәкчесе Венера Хәмәтнәсыйх кызы Хәевага сертификат тапшырды.