2016 нчы елның 29нчы феврале көнне шәһәребезнең музыка мәктәбе базасында Халыкара туган тел көненә багышланган әдәби-музыкаль  чара  булып узды. Район һәм шәһәр мәктәп укучылары  төрле телләрдә шигырьләр сөйләделәр, җырлар  башкардылар.Безнең мәктәп   әлеге чарада курайчылар ансамбле чыгышы белән катнашты. 

Рәсәйкүләм "Туган тел" бәйгесенең муниципаль туры дәвам итә. Бүген әлеге бәйгедә  рус теле һәм әдәбияты укытучылары  үзләренең осталыкларын күрсәттеләр.Безнең мәктәптән рус теле һәм әдәбияты укытучысы Мирсаева А.А.катнашты. Альбина Айрат кызына зур уңышлар телибез!

Бүген  Рәсәйкүләм "Туган тел" бәйгесенең татар теле һәм әдәбияты укытучылары арасында   муниципаль туры узды.Безнең мәктәптән башлангыч сыйныф укытучысы Нургалина Л.М. һәм татар теле һәм әдәбияты укытучысы Шәвәлеева Л.М. катнашты. Аларга уңышлар телибез!

"Туган тел" атналыгы кысаларында   стенгазеталарны яклау кичәсе булып узды. 

21 февраль-Халыкара Туган тел көнен билгеләп үтү максатыннан  аерым план нигезендә мәктәптә  төрле сыйныфтан тыш чаралар үткәрелде.Һәр сыйныфта "Туган телем-иркә гөлем" темасы астында презентацияле  сыйныф сәгатьләре узды, стенгазеталар чыгарылды.8 сыйныф укучылары тарафыннан   театрлаштырылган "Очрашу" композициясе күрсәтелде.Рус теле укытучысы Мирсаева А.А. "Язык наш прекрасный" исемле  музыкаль композиция  оештырды.

 23.02. көнне Аксар мәктәбендә  яшүсмерләр арасында “Аксар батырлары“ призына милли көрәш буенча ярышлар узды. Әлеге ярышлар биредә  1994 елдан оештырылып килә. Безнең мәктәп укучылары бик яхшы күрсәткечләргә ирештеләр.  Булдырасыз,егетләр!

Мәктәптә  "Аҗаган"  спорт уенын укучылар  көтеп алалар.  Быел да  әлеге чарага әзерлек алдан ук башланды. Программага чаңгы марафоны,төз ату, мылтыкны сүтеп-җыю, викторина сорауларыннан торган конкурслар кертелде.Стройда патриотик җыр белән атлау да өлкән сыйныф укучылары өчен дулкынландыргыч  мизгелләр булды.Соңыннан шифровканың җавабын табып,яшерелгән флагны табу, территорияне  "миналар"дан арындыру уенынарында барлык мәктәп укучылары да катнашты.Кыскасы, уен күңелле һәм файдалы узды.

Бүген мәктәбебезнең 2 нче сыйныф укучысы Мөхәтәтдинов Данис "Солдатка хөрмәт һәм дан!"  исеме астында уздырылган муниципаль шигырь конкурсында катнашып 1 урынны яулап кайтты.Укытучысы Хөснетдинова Н.Р. иҗат иткән шигырь Данисның Әфган җирендә хезмәт иткән әтисе турындагы презентация  белән үрелде.Чын күңелдән Данисны һәм Нурфия Ризаетдин кызын җиңүләре белән котлыйбыз! 

Бүген мәктәбебездә Ватанны саклаучылар көне уңаеннан ир-егетләргә, әти-бабайларга багышланган бәйрәм концерты куелды.Алар хөрмәтенә җырлар җырланды,шигырьләр сөйләнелде.Бүгенге көндә Армия сафларында  хезмәт иткән чыгарылыш укучыларыбызга да изге теләкләр юлланылды. Илләр имин, күкләр аяз булсын! Бәйрәм "ир- егетләребез безне тыныч тормышта гына сакласыннар һәм якласыннар", -дигән теләкләр белән тәмамланды.

16-17.02.2016. көнне "Сыйныф җитәкчесе" конкурсының муниципаль туры узды. Безнең мәктәптән әлеге конкурста   7-9 сыйныф җитәкчесе Мирсаева Альбина Айрат кызы катнашты.Ул Зәй шәһәре 4 нче мәктәбенең 8 сыйныфында "Бар да сезнең кулларда" исемле коррупция темасын яктырткан сыйныф сәгате уздырды.Афәрин, Альбина Айратовна!