Бүген республикакүләм наркотикларга каршы "Будь готов! Скажи-НЕТ!" акциясе булып узды .Өлкән сыйныф укучылары авыл урамнарына чыгып,буклетлар тараттылар, авылдашларыбыз белән наркотиклар саклау,куллану һ.б турындагы Закон белән таныштырдылар.

Әлеге исем астында уздырылган Бөтенрәсәй акция кысаларында мәктәптә бик күп чаралар уздырылды. Укучылар ГТО нормалары кысаларында спортның төрле өлкәләрендә осталыкларын күрсәттеләр, сыйныф сәгатьләре узды, соңыннан авылдашларның  ГТОга әзерлекләре белән кызыксындылар.

Шәһәр һәм районыбызда санитар икеайлыклар башланды. безнең укучылар да мәктәп яны территориясен чүп-чардан арындыру,карларны тарату эшләре белән мәшгуль. Һәркем мәктәбебез  матур һәм чиста булсын өчен үзенең өлешен кертә

Башлангыч сыйныф укучылары  укытучылары Нургалина Л.М. җитәкчелегендә авыл китапханәсенә экскурсия оештырдылар. Китапханәче Зөһрә апалары аларны яңа кызыклы китаплар,журналлар  белән таныштырды,аларның китапханәгә ешрак йөрүләрен көтеп калуын әйтте.

02.04.16 көнне Аксар авылы мәдәният йортында Рабит Батулланың "Кичер мине,әнкәй!" дип аталган моңсу  комедиясе күрсәтелде. Беренчедән,инде күп еллар сәхнәдән төшмәгән артист авылдашларыбыз белән беррәттән  мәктәбебез укучылары Аввакумова Юлия һәм Минҗанов Илфатларның төп рольләрне искиткеч оста итеп уйнаулары күңелләрдә чын горурлык хисләре  уятса, икенчедән якташ язучыбызның әлеге әсәре өлкән сыйныф укучылары өчен гыйбрәтле әсәр булды.

Бүген -Халыкара кошлар көне. Әлеге дата уңаеннан мәктәптә "Хуш киләсез, кошкайлар!" исемле матур музыкаль кичә узды.Соңыннан укучылар әтиләре белән берлектә ясап килгән кош ояларын мәктәп каршындагы агачларга урнаштырдылар. Тиздән ул ояларга шатланышып канатлы дусларыбыз килер. Алар шунда бала чыгарып куанып яшәсеннәр, безнең бакчабызны корткыч бөҗәкләрдән сакласыннар, сайраулары белән тирә-юньгә ямь өстәсеннәр.

Мәгариф идарәсенең  662 №лы  хаты  нигезендә, мәктәптә Бөтенроссия  туберкулезга каршы көрәш көне уңаеннан үткәреләчәк чаралар планы төзелде.Мәктәпкүләм әти-әниләр җыелышында биология укытучысы Галимов Р.Ш. әлеге мәкерле авыру һәм аңа каршы көрәш чаралары турында  чыгыш ясады. Әти-әниләрне балаларга прививкаларны,үзләренә флюрографик тикшеренүләрне  вакытында үтәргә чакырды.Аннан тыш,  профилактик информацион материаллар ясалып, стендларга беркетелде."В плену у палочки Коха" ролигын караганннан соң, укучылар белән әңгәмәләр корылды.Авыруны булдырмау яисә вакытында ачыклап, тулысынча терелү мөмкинлеге безнең үз кулларыбызда.

30 марта 2016 года  прошла общешкольная тематическая линейка, посвященная к годовщине  воссоединения Крыма с Россией. Преподаватель Галимов Р.Ш. ознакомил коллектив уч-ся  с историей Крымского полуострова, о его современном статусе.Узнали о достопримечательностях и о значимости Крыма в истории Росси.

Каникул планы буенча бүген мәктәптә Нургалина Л.М. укучылар белән "Көчсез чылбыр" исемле интеллектуаль уен үткәрде. Чараның максаты   балаларның  зирәклеген үстерү, алган белемнәрен файдалана алуга ирешү, бердәмлек һәм дуслык  хисләрен үстерү иде.Программа  төрле өлкәдән алынган кызыклы сораулар һәм күңелле уеннар белән үрелеп барды.Укучылар рәхәтләнеп ял иттеләр, булган белемнәре белән уртаклаштылар, күп яңалыклар белделәр.

26.03.2016 көнне Алабуга шәһәрендә "Але,мы ищем таланты" исеме астында  яшь язучылар бәйгесенә нәтиҗә ясалды. Безнең мәктәптән 9 сыйныф укучысы Минҗанов Илфат әлеге бәйгедә 2 урынны алып кайтты. Молодец,Илфат!!!