Бүген лагерь, гадәттәгечә, иртәнге зарядка белән башланып китте. Иртәнге тәмле  аштан соң, көн программасы белән таныштырылды. Инглиз телендә  мультфильмнар, презентацияләр  карау, кызыклы диалоглар төзү балалар күңеленә хуш килде. Ә соңыннан "Теремок" әкиятен инглизчә уйнап та күрсәттеләр. Көн дәвамында бакчада эшләргә дә, төрле спорт уеннарына да вакыт җитәрлек булды. 

Бүген  көннең икенче яртысын балалар кызыксынып көттеләр. Иртәнге аш та, бакча яны эшләрендә дә аларның темалары төшке аштан соң булачак "Фантазерлар көне" турында булды. балалар алдан ук төрле кызыклы хәлләр, кеше ышанмаслык  вакыйгалар, үзләре уйлап чыгарган "ялган кызыклар" турында сөйләделәр. Хәтта "Мюнхаузен" титулы да бирелде.

Лагерь  бүген "Без -сәламәт яшәү рәвеше яклы!" девизы астында узды. Балалар авылыбызның иң матур табигать кочагы булган Алма бакчасына бардылар. Алма бакчасын чүп-чардан чистарттылар, төрле кызыклы уеннар уйнап, җәйнең бер матур көне итеп истә калырлык уеннар уйнадылар, файдалы үләннәр танырга өйрәнделәр, ә табигать Анабыз аларны тәмле җиләкләре белән сыйлады. 

Бүгенге көн "Барыбыз да бергә чакта"  темасы астында узды. Балалар  өчен башта КВН оештырылды. КВН программасы бай һәм эчтәлекле иде.КВН дусларча флеш-моб биюе белән тәмамланды. Балалар үзләре өчен бик күп кызыклы мәгълумат алдылар.Көннең икенче яртысында  "Яшел бакча" проекты буенча   бакча эшләре башкарылды, спорт мәйданчыгында футбол уеннары оештырылды

Лагерь үзенең эшен дәвам итә. Бүген  укуучыларның көн программасында "театр утравында" диеп аталган кызыклы программа каралган иде. Балалар үз көчләре белән костюмнар  уйлап таптылар,,гримнар  ясадылар.2 төркемгә бүленеп кызыклы өзекләр күрсәттеләр. Соңыннан  мәктәп бакчасында бәрәңге эшкәртеп, түтәлләргә сулар сибеп, буш вакытларында кызыклы уеннар оештырып, күтәренке кәеф белән өйләренә таралыштылар. 

Лагерьда бүген Яшьләр үзәгеннән килгән кунаклар  балаларның күңелен күрделәр. Алар үзләре белән "Добрый динозавр" исемле мультфильм,кызыклы уеннар  һәм батут алып килгәннәр иде. Балалар рәхәтләнеп ял иттеләр, күңел ачтылар. Төшке аштан соң, түтәлләр утадылар.Шулай итеп ял һәм хезмәт үрелеп бара безнең лагерьда

Бүген лагерьның  эш  программасы буенча волейбол һәм футбол буенча дусларча очрашу үткәрелде.Балалар  спорт мәйданчыгында рәхәтләнеп  уйнадылар. Һава торышы  көйләнеп киткәнлектән,  мәктәп яны территориясен  чыбык-чабыклардан чистарттылыр.Балаларга лагерьда бик ошый, һәрберсе канәгать булып, ә иң мөһиме- сау-сәламәт, өйләренә таралыштылар.

Күп еллык  традиция буенча, 6 июнь Россиядә "рус поэзиясенең кояшы" саналган А.С.Пушкинны искә алу көне буларак  билгеләнеп үтелә. Безнең лагерьда да  бу дата билгеләнеп үтелде:Пушкин турында презентация карадылар, укучылар белән Пушкин әкиятләренә сәяхәт кылдылар.төшке аштан соң көн  спорт уеннарына   багышланды.

Бүген укучылар  мультфильмнар карадылар, ә мультфильмның ахырын, үзләре  мультфильм геройларына әверелеп,уйнап күрсәттеләр.Яңгыр яву  сәбәпле, бүген мәктәп бакчасында эш башкарылмады.шулай булса да, вакыт сизелми дә үтеп китте.

"Кояшкай" хезмәт һәм ял   лагеренда  балалар шау-гөре тынып тормый . Алар лагерь программасы нигезендә  бүген яшел аланлыклыкта  дару үләннәрен танырга өйрәнделәр. Рәхәтләнеп табигать кочагында ял иттеләр.Әлбәттә инде мәктәп бакчасында да тырышып эшләделәр.