Һәр халыкның үз йолалары,традицияләре  буыннан-буынга тапшырылып килә. Татар халкының да татарларга гына хас булган үз йолалары сакланып килгән. Гаилә көне уңаеннан  бүген мәктәптә "Гаиләм  традицияләре" темасына инфорамацион сәгать узды. Өлкән  сыйныф укучылары проект эшләре башкарып килделәр. 

4 сыйныфлар бүген рус теленең 2 өлешен эшләделәр. 2 өлеш 13 сораудан тора иде. Укучылар әлеге диктант текстына караган  барлыгы 16 бирем башкардылар. шунысын да әйтергә кирәк, укучыларга бернинди дә өстәмә чыганаклардан файдалану мөмкинлеге бирелми. Күзәтүче әти-әниләр комитеты әгъзалары арасыннан сайланылды.Алда- математикадан тикшерү эшләре.

15 май-Гаилә көне. Әлеге Халыкара  бәйрәм көне уңаеннан, 12 майда  республикада  бердәм  "Гаилә дәресләре"  узды. Безнең мәктәп укучылары да әлеге чарадан читтә калмадылар. Хөснетдинова Нурфия Ризаетдин кызы әзерләгән  сыйныф сәгате укучылар өчен   файдалы,гыйбрәтле булды.Үзебезнең мәктәп укучыларының бәхетле гаилә мизгелләрен чагылдырган презентация балаларда гаиләләре өчен горурлану хисләре уятты.  Сыйныф сәгате  күп балалы гаилә турындагы "Однажды 20 лет спустя"   фильмын карау һәм әлеге кино турында фикер алышу белән тәмамланды.

4 сыйныф укучылары өчен дә  "урак өсте" башланды.Бу көннәрдә алар  берничә фәннән тикшерү эшләре эшләячәк (ВПР-всероссийсая проверочная работа).Әлеге эшләрнең биремнәре тикшерү узасы көнне генә билгеле була.Бүген  рус теленнән Россиякүләм тикшерү эшенең 1 нче өлешен башкардылар.13 май көнне  әлеге эшнең 2 нче өлеш биремнәрен эшләячәкләр. Алда-математика һәм әйләнә-тирә дөнья предметларыннан диагностик эшләр киләчәк.Аларга уңышлар телик!

Бүген  Зәй-2 Яшьләр  үзәгендә  Советлар Союзы герое Ларионов Г.Ф. истәлегенә  багышланган пневматик мылтыктан ату  ярышлары уза. Аксар мәктәбеннән әлеге ярышта 4 укучы катнаша. Аларга уңышлар телибез!

 Үткәнен белмәгәннең киләчәге юк, диләр.Бу көннәрдә  мәктәп укучылары "Үлемсезлек  полкы" акциясенә   катнашырга  әзерләнә.Һәр укучы бабаларының, бабаларының әтиләре фотоларын барлап, әлеге фотоларын зурайтып ясаталар. 9  май митингында һәр баланың кулында бүгенге аяз күгебез өчен көрәшкән авылдашларыбызның  фотолары булачак.Әлеге акциянең максаты – яшьләрне үз гаиләләре тарихын өйрәнүгә тарту, традицияләрне дәвам итү, аларны патриотик рухта тәрбияләү.Тарих үзен онытканны кичермәс...

1 май -парклар һәм скверлар көне буларак билгеләнеп үтү уңаеннан, безнең мәктәп  бу көнне авылыбызның иң матур ял итү урыны-Алма бакчасын  сайлады.Табигать  инде үзенең язгы матур күлмәген киенеп, укучыларны үз кочагына көтә иде. Төрле спорт уеннары, ял итү , җырлы-биюле  күңел ачу мизгелләре балалар күңелендә матур истәлек булып сакланыр.

Бүгенгә  безнең  курайчы кызлар  Чаллы шәһәрендә Инбер Шафиков истәлегенә багышланган V республика "Моңлы курай" конкурсының гала-концертына чакыру алганнар иде. Әлеге гала-концертка   атаклы курайчы Инбер ага Шәфиковның якыннары, Факил Сафин, Флера Хөрмәтова, тагын бик күп мәртәбәле кунаклар чакырылган иде. Саба,Мөслим,Түбән Кама,Чаллы , хәтта Казаннан да курайчылар килгән иде.Безнең  музыка укытучысы Ахметянов Ф.Ф. җитәкләгән "Тау чишмәсе" курайчылар ансамле, ансамбльләр арасында II дәрәҗә диплом белән бүләкләнделәр. Аларны бу уңышлары белән чын күңелдән котлыйбыз!Транспорт белән ярдәм иткән мәдәният бүлегенә рәхмәтебез чиксез зур.

Бу көннәрдә һава торышы кояшлы булганлыктан, инде җир дә өлгерде.Укучылар казу эшләренә ябыштылар. Чәчәк түтәлләре урыны казылып, инде азрак чәчәк орлыклары да сибелде