Язгы лагерь үз эшчәнлеген башлап җибәрде. Биредә укучылар вакытларын күңелле һәм файдалы итеп үткәрәләр.  Укучылар кызыклы бәйгеләрдә катнаштылар һәм шулай ук  “Калейдоскоп” балалар ял паркында булып кайттылар.

Бүген Г. Ибраһимов исемендәге XII республика фәнни-гамәли конференциясе узды. 10 нчы сыйныф укучысы Әхәтова А. "Тарих һәм культурология" секциясендә уңышлы чыгыш ясап лауреат дипломына лаек булды. Укучы кызыбызга алга таба да иҗади уңышлар телибез!

Театр түгәрәгенә йөрүче укучылар  Г.Камалның “Безнең шәһәрнең серләре” спектаклен күрсәттеләр.  Халыкара театр көненә багышланган бу тамаша һәркем өчен зур сөенеч булды. Спектакль балаларда җылы хисләр уятты. Укучыларга киләчәктә дә яңа спектакльләр белән сөендерүләрен теләп калабыз.

Бүген 9а сыйныфы укучылары В.И.Ленинның музей-йортында булып кайттылар. Биредә алар В.И.Ленинның тормыш юлы, Ульяновлар гаиләсенең көнкүреше турында кызыклы һәм файдалы мәгълүматлар белделәр. 

Волейбол уеннары дәвам итә. Чираттагы уенда 7в һәм 6б сыйныфы кызлары очрашты. Уен 7в сыйныфы файдасына 2:0 исәбе белән төгәлләнде.

Өченче чирек тә ахырына якынлашты. Гимназиядә укучыларга язгы каникул вакытында куркынычсызлык кагыйдәләрен искә төшереп, инструктажлар үтте.

Каратэ белән һәрдаим шөгыльләнү балаларда физик үсешне арттыра, үз-үзеңне саклау күнекмәләренә өйрәтә, чыдамлылыкны һәм олыларга, дусларга хөрмәт хисен үстерә. Гимназиядә башлангыч сыйныф укучылары өчен каратэ дәресләре үтә. Укучылар бик теләп әлеге дәресләргә йөриләр.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар  тарихи вакыйга – Кырымның Россия белән берләшүе турында фикер алыштылар.

Гимназиядә урта һәм өлкән сыйныф кызлары арасында волейбол ярышлары уза. Бүгенге уенның нәтиҗәләре түбәндәгечә: 6б – 6в (2:0), 7в – 6б (2:6), 6б – 7а (2:0).

“Живая классика” Бөтенроссия шигырь укучылар бәйгесенең район этабы үтте. 7 нче сыйныф укучысы Ходярева Даниэла 3 нче урынга лаек булды. Ә 10 нчы сыйныф укучысы Кузнецов Даниил 1 нче урынны яулап, төбәк этабына үтте. Укучыларыбызны уңышлары белән котлыйбыз! Алдагы бәйгеләрдә дә җиңүләр юлдаш булсын дигән теләктә калабыз.