Психология атналыгы кысаларында, гимназия китапханәсендә күргәзмә оештырылды. Биредә игелеклелек, гаилә, бәхет турында китаплар урын алды. 3в һәм 6в сыйныфы укучылары өчен күргәзмәгә күзәтү оештырылды.

4 нче Б сыйныфы укучылары бүген “Кәеф калейдоскопы” акциясенә кушылдылар. Алар көн дәвамында кәефләре ничек булуын күзәттеләр. Әлеге күзәтүдә укучылар бик теләп катнаштылар

19 апрельдә Бөек Ватан сугышы елларында нацистлар һәм аларның булышчылары тарафыннан совет халкына карата геноцид (юк итү) үткәрү истәлегенә Бөтенроссия бердәм хәрәкәтләр көне билгеләп үтелә.
Бүген гимназиябезнең 5-9 сыйныф укучылары әлеге темага видеофильм карадылар, үзара фикер алыштылар.

Бүген 1 нче Б сыйныфында, гимназия психологы белән берлектә, кызыклы дәрес үтте. Укучылар төрле уеннар уйнадылар, игелекле эшләр турында сөйләштеләр. Үзләре кылган игелекле эшләрне төсле кәгазьләргә язып, алардан гирлянда ясадылар.

Психология атналыгында узучы чараларда һәр сыйныф актив катнаша. 3 нче Б сыйныфы бүген “Игелекле эшләр” акциясенә кушылдылар.

Бу атнада гимназиядә бөек шагыйребез Габдулла Тукайның туган көнен билгеләп үтүгә багышланган бәйгеләр башланып китте. Башлангыч сыйныфлар арасында “Сурәтләрдә Тукай геройлары” бәйгесе һәм урта сыйныфлар арасында “Г.Тукайның тормыш юлы һәм иҗаты буенча стена газеталары”  бәйгесе игьлан ителгән иде. Иң яхшы дип табылган рәсемнәр һәм стена газеталарыннан күргәзмә оештырылды.

Психология атналыгы кысаларында, 1 нче А сыйныфында “Мәктәптә минем кәефем” темасына багышланган сыйныф сәгате үтте. Укучылар смайллар ярдәмендә үзләренең кәефләре турында аңлаттылар. Чара бик кызыклы үтте.

Бүген 2 нче В сыйныфында “Нәрсә ул бәхет?” дип аталган акция үтте. Укучылар рәсемнәрдә “бәхет” төшенчәсен ничек аңлауларын сурәтләделәр һәм таҗларына изге теләкләр язылган ромашка чәчәге ясадылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара. Бу атнада нацистлар һәм аларның ярдәмчеләре тарафыннан Совет халкының юкка чыгарылуы турында хәтер көненә багышланган сыйныф сәгатьләре узды.

Радиоэфирның бүгенге чыгарылышын 9 нчы Б сыйныфы укучылары алып барды. Алар атналык рейтинг нәтиҗәләре белән таныштырдылар, узган атнада булган яңалыклар турында сөйләделәр. Шулай ук бу атнада үтәчәк чаралар турында игълан иттеләр һәм һәркемне әлеге чараларда актив катнашырга чакырдылар.