Хөрмәтле укытучылар, укучылар һәм ата-аналар! Сезне яңа чирек башлану белән котлыйбыз! Каникуллар бушка узмаган дип өметләнәбез: барысы да ял иттеләр, көч тупладылар, яңа кечкенә һәм зур җиңүләргә әзерләр. Барлык укучыларга соңгы чирекне яхшы нәтиҗәләр белән тәмамлауларын телибез!!
Барыгызга да күтәренке кәеф, күңел күтәренкелеге, оптимизм, иҗади һәм фәнни уңышлар, кызыклы эшләр һәм сәламәтлек телибез!

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара. Бу атнада “Мөһим сөйләшүләр”  апрель аенда үтүче Җир көненә багышланган иде. Укучылар әйләнә-тирәбезне саклау кирәклеге турында фикер алыштылар.

Традиция буенча, һәр дүшәмбе радиоэфирда укучылар атналык яңалыклар белән таныштыралар. Бу атнада радиода 5 нче в сыйныфы укучылары чыгыш ясады. Алар гимназиядә үтәсе чаралар һәм  бу атнаның истәлекле вакыйгалары турында сөйләп үттеләр.

Язгы лагерьның бүгенге көне бик кызыклы үтте. Укучылар бүген  ТР Милли музеенда экскурсиядә булдылар. Музейда укучылар халкыбызның үткәнен чагылдыручы күп экспонатлар белән таныштылар. Экскурсия кызыклы һәм нәтиҗәле үтте. Әлеге сәяхәттән һәркем канәгать калды.

Бүген лагерьда ял итүче балалар “Пирамида” күңел ачу комплексында “Кем принцессаны үбәчәк?” спектаклен карадылар. Җырлы-биюле әкияти тамаша укучыларга бик ошады.

Укучыларның күңелле яллары дәвам итә. Лагерьга йөрүче укучылар бүген "Родина" кинотеатрында мультфильм карап кайттылар. Моннан тыш, гимназиядә дә балалар өчен файдалы чаралар оештырылды. 

Шушы көннәрдә укучыларыбыз Н.И. Лобачевский исемендәге VIII Бөтенроссия  фәнни конференциясендә катнаштылар. “Психология” бүлегендә уңышлы чыгыш ясап, 11 нче сыйныф укучысы Сөләйманова София 3 нче дәрәҗә диплом, “Татар теле һәм әдәбияты” бүлегендә уңышлы чыгыш ясап, 5 нче сыйныф укучысы Садыйкова Ралинә 2 нче дәрәҗә диплом белән бүләкләнделәр. Укучыларыбызны котлыйбыз һәм киләчәктә зур уңышларга ирешүләрен телибез.

Лагерьнең бүгенге көненең “Мөһим әйберләр турында сөйләшүләр” циклының чираттагы чыгарылышы белән танышудан башланып китте. Ул “Театр көне. К. С. Станиславскийның тууына 160 ел тулуга” багышланган иде. Шулай ук балалар өчен “Планетарий, очки, тир” интерактив күңел ачу программасы оештырылды. Бүгенге көн "Интернетның чиксез мөмкинлекләре" белән танышуга багышланган иде. Укучылар Интернет челтәрендә куркынычсызлык кагыйдәләре белән таныштылар, кызыклы чараларда актив катнаштылар. 

Казанда «Ел укытучысы-2023» Бөтенроссия һөнәри осталык  бәйгесенә йомгак ясалды. «Әкият» курчак театрында узган тантанада әлеге бәйгедә җиңүчеләрне бүләкләделәр. «Ел укытучысы – 2023» Бөтенроссия һөнәри осталык бәйгесенең республика этабында «Иң яхшы татар теле һәм әдәбияты укытучысы-2023» номинациясендә 21 укытучы көч сынашты. Алар дәрес, сыйныф сәгате, мастер-класс, методик остаханә күрсәттеләр. Бәйгенең барлык этапларында да уңышлы чыгыш ясап, гимназиябезнең татар теле һәм әдәбияты укытучысы Җәләева Гөлүзә Азат кызы «Өметле киләчәк» номинациясендә җиңү яулады. Хөрмәтле Гөлүзә Азатовна, Сезне зур җиңүегез белән котлыйбыз. Киләчәктә дә зур уңышлар, иҗади хезмәт нәтиҗәләре телибез!

Бүген гимназиядә язгы лагерь ачылышына багышланган тантаналы линейка үтте. Линейка Россия Федерациясе һәм Татарстан Республикасының Дәүләт флагларын күтәрү һәм Дәүләт гимннарын башкару белән башланып китте. Укучыларны алда кызыклы һәм мавыктыргыч яллар көтә.