Бүген җәйге лагерьга йөрүче балалар “Тинчуринда кунакта” экскурсия-квестында булып кайттылар. “Тинчуринда кунакта” экскурсия-квесты Кәрим Тинчурин исемендәге Татар дәүләт драма һәм комедия театрының 90 еллыгына багышлана. Әлеге мавыктыргыч экскурсия-квест барышында балалар төрле кызыклы уеннар уйнадылар, биеделәр.

1 июнь  көне бар дөнья Халыкара балаларны яклау көнен билгеләп үтә. Бәйрәм көненә багышлап, бүген гимназиядә “Сабантуй” бәйрәме үтте. Лагерьга йөрүче балалар чүлмәк вату, капчык киеп йөгерү, кашык белән су ташу, кашыкка күкәй куеп йөгерү, канат тарту һәм башка уеннарда бик теләп катнаштылар, җырладылар һәм биеделәр.  Бәйрәм бик күңелле узды.

Гимназиябез укучылары Дәрвишләр бистәсенең ял паркында Балаларны яклау көненә багышланган чарада булдылар. Биредә алар төрле мастер-классларда катнаштылар, полиция һәм мчс хезмәткәрләре эше белән таныштылар, киемнәрен киеп карадылар, бәйрәм концертын тамаша кылдылар.

Лагерь тормышы бик күңелле. Көн саен укучылар вакытларын файдалы һәм мавыктыргыч итеп үткәрәләр. Бүген лагерьга йөрүче укучылар “Родина” кинотеатрында кызыклы һәм эчтәлекле фильм карап кайттылар . Бу сәяхәт күңелле булды һәм укучыларга бик ошады.

Укучыларның күңелле яллары дәвам итә. Бүген укучылар М.Горький исемендәге үзәк мәдәният һәм ял паркында булып кайттылар.

Бүген гимназиядә җәйге лагерь эшчәнлеген башлап җибәрде. Балалар отрядларга бүленеп, аларга исем, девиз уйлады, плакатлар ясадылар һәм куркынычсызлык кагыйдәләре белән таныштылар. Алар шулай ук “Калейдоскоп” балалар ял паркында булып кайттылар. Балалар алда күңелле ял көтә.

Соңгы кыңгырау ул -урта мәктәпне тәмамлап,зур тормышка,олы дөньяга юлланган укучыларны алдагы көннәрнең гаҗәеп матур да,тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да. Нәкъ менә “Соңгы кыңгырау” бәйрәме безнең күңелләребездә укытучылар, сыйныфташлар һәм мәктәп еллары турында якты хәтирә булып сакланып калучы бәйрәм. Бүген гимназиябездә соңгы кыңгырау яңгырады!
Чыгарылыш сыйныф укучылары актлар залында бик матур бәйрәм концерты күрсәттеләр. Укучыларны гимназиябез директоры Гөлфия Гаязовна, беренче укытучылары һәм әти-әниләре котлап, матур теләкләрен җиткерделәр. Бу мөһим көннәрен уртаклашырга укытучылары, әти-әниләре, дуслары, туганнары да килән иде.

Кадерле чыгарылыш сыйныф укучылары, сезгә күңел күтәренкелеге, оптимизм, үз-үзегезгә ышаныч, иҗади илһам, якты киләчәк һәм уңышлар гына телибез! Хәерле сәгатьтә!

Бүген Татарстан Республикасы МВД Госавтоинспекциясенең мәгълүмати бүлек җитәкчесе Хәйретдинов Наил Нурулла улы тарафыннан башлангыч сыйныф укучыларына юл йөрү кагыйдәләре турында мәгълүмат җиткерелде.

Әңгәмәнең максаты: балаларны юл йөрү кагыйдәләре белән таныштыру;
җәмгыят транспортында үз-үзеңне тоту кагыйдәләрен ныгыту;
урамда юлда үзеңне дөрес тоту турындагы белемнәрен ныгыту.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара. 22 майда узган һәм бу уку елында соңгысы булган сыйныф сәгатьләрендә, укучылар бәхетнең нәрсә икәнлеге турында сөйләштеләр, шулай ук бәхетнең нинди булуын, төрле кешеләрнең аны ничек күз алдына китерүен һәм сине нәрсә бәхетле итә икәнен ничек билгеләргә икәне турында фикер алыштылар.

Бүген гимназиядә 4 нче сыйныф укучыларының күңелләрендә иң якты, иң матур хәтирә булып сакланып калачак чыгарылыш - башлангыч сыйныф белән саубуллашу кичәсе үтте. Алар сабый чакның бер баскычыннан югарыга күтәрелделәр. Укучыларны әлеге истәлекле көннәре белән котлап, шатлыкларын уртаклашырга әти-әниләре дә килгән иде. Бүген гимназиядә, чын мәгънәсендә, җыр-моңга күмелгән балачак бәйрәме узды.