Бүген гимназиядә Терроризмга каршы теләктәшлек көне уңаеннан төрле чаралар үтте. Башлангыч сыйныфларда рәсем бәйгеләре, урта һәм югары сыйныфларда әңгәмәләр, түгәрәк өстәлләр узды. Укучылар терроризм һәм аннан саклану чаралары, куркыныч хәлләрдә үз-үзеңне тоту кагыйдәләре турында сөйләштеләр.

Бүген гимназия укучылары белем иленә ишек ачалар. Алар яңа көчләр, яңа максатлар туплап, белем алырга дип киләләр. Беренче сыйныфлар өчен бөтен әйберләр дә яңа, ә 5 нче сыйныфлар яңа, кызыклы фәннәр өйрәнә башлый. 9 нчы һәм 11 нче сыйныф укучылары имтиханнар турында уйланалар, киләчәккә максатлар куялар. Калган сыйныфлар тырышып укуларын дәвам итәләр.

Шулай ук укучылар гимназия кагыйдәләре, ә яңа укучылар безнең традицияләр белән таныштылар.

Әлеге уку елы аеруча уңышлы булыр дигән теләктә калабыз!

Белем көне... Бу көн – тәүге тапкыр кыңгырау тавышын ишетүче беренче сыйныф укучылары, бер елга олыгаеп килгән шәкертләр, аларны колач җәеп каршы алучы мөгаллимнәр, сөенеп һәм борчылып балаларын  озатып калган әти – әниләр өчен зур бәйрәм. 1сентябрьдә, иң истәлекле һәм дулкынландыргыч көннәрнең берсендә, бик күпләр өчен тормышның яңа сәхифәсе, танып-белү, иҗади уңышлар чоры башлана.

Бездә дә бүген, белем бәйрәме уңаеннан, тантаналы линейка узды. Тантанабызның мөхтәрәм кунагы – Татарстан Республикасының мәгариф һәм фән министырлыгы,  белем бирү процессының  фәнни методик секторы җитәкчесе – Гарифуллина Ләйсән Атласовна иде. Ул укытучыларны, укучыларны, әти-әниләрне һәм килгән кунакларны бәйрәм котлады.

Быел беренче тапкыр 64 бала безнең гимназия бусагасын атлап керде. Бүгенге көннән алар өчен мавыктыргыч, кызыклы белем дөньясы үзенең ишекләрен ача.

Яңа уку елында укучыларга зур уңышлар, яңа казанышлар, яхшы билгеләр, ышанычлы дуслар, күңелле мәктәп тормышы телибез. Ә укытучыларга түземлелек, сабырлык, ныклы ихтыяр көче, энергия һәм сәламәтлек юлдаш булсын. Хәерле сәгатьтә! Имин еллар, якты юллар сезгә!

Пробный день состоится 29 августа в 12.00.

Уважаемые родители (законные представители)!

Прием в 1 класс окончен. Свободных мест нет.

Ниһаять, имтиханнар тәмам. Зур сынаулар узган чыгарылыш сыйныф укучыларының яраткан мәктәпләре, укытучылары белән саубуллашыр көннәре җитте. Бүген гимназиядә 9 нчы һәм 11 нче сыйныф укучылары өчен матур бәйрәм – чыгарылыш кичәсе узды. Укучылар һәркайсы аттестатлар - олы тормышка юлламалар алды. Аларның шатлыгын әти-әниләре, якыннары да бүлеште. Чыгарылыш кичәсе һәркемгә онытылмаслык тәэсирләр һәм елмаю бүләк итте. Мәктәпне тәмамлау — кичәге укучылар тормышында беренче авыр этап, алда аларны югары уку йортларына керү һәм тормышка ашырырга тиешле очсыз-кырыйсыз хыяллар көтә.

Лагерь үз эшчәнлеген дәвам итә. Бүген укучылар “Балалар иҗат үзәгендә” кунакта булдылар. Биредә алар кызыклы уеннарда, бәйгеләрдә актив катнаштылар. Сәяхәт укучыларда яхшы тәэсирләр генә калдырды.

Лагерь – үзе бер дөнья. Анда ял итәргә дә, вакытны файдалы һәм күңелле уздырырга да, файдалы мәгълүматлар алырга да мөмкин. Бүген укучылар Казан шәһәренең зоопаркында экскурсиядә булдылар. Шулай ук укучылар өчен бүген Пётр I тууына 350 ел тулуга багышланган сыйныф сәгатьләре оештырылды.

Бүген лагерьга йөрүче укучылар Татарстан Республикасының сынлы сәнгать музеенда булып кайттылар. Биредә алар танылган рәссамнарның сәнгать әсәрләре белән таныштылар. Шулай ук балалар өчен мастер-класс та оештырылган иде, алар портрет ясарга өйрәнделәр. Укучылар әлеге сәяхәттән бик күп яхшы тәэсирләр белән кайттылар.

Җәйге лагерь үз эшчәнлеген дәвам итә. Укучылар күңел ачып кына калмыйлар, ә вакытларын файдалы итеп үткәрәләр. Менә бүген алар “Казан ярминкәсе” күргәзмә үзәге территориясендә эшләп килүче “Россия – минем тарих” мультимедия тарихи паркында экскурсиядә булдылар.