11-12 декабрь көннәрендә,  10 нче сыйныф укучылары on-line режимында  химия, биология,физика, информатика, тарих, җәмгыять белеме, география, математика, рус һәм инглиз телләреннән фәннәрне үзләштерүне  өйрәнү максатыннан тест  биремнәре үтәделәр.

 10 нчы декабрь көнне 4 нче сыйныф укучылары да  сынау тестларын башлап җибәрделәр. Әлеге тест математика фәненән эшләнде. Алда аларны тагын өч фәннән сынаулар көтә. 4 нче сыйныф укучыларына уңышлар телибез!

 Фәннәрне үзләштерүне  өйрәнү максатыннан, 5-11 класс укучыларының белемен тикшерү мониторингы  башланды. Бүген, 10 декабрь көнне,  11 нче сыйныф укучылары on-line режимында  литература, математика, рус һәм инглиз телләреннән тест  биремнәре үтиләр.

9 нчы декабрь – Россия  геройларын  хөрмәтләү көне. Бу уңайдан мәктәбебезнең  9 -11 нче сыйныфларында сыйныф җитәкчеләре класс сәгатьләре, ә башлангыч  сыйныф  укучылары   «Хәтерлибез,хөрмәтлибез!» дигән темага сбор , 5 - 7 нче сыйныф укучылары  мәктәп музеенда батырлык темасына әңгәмә  үткәрделәр.

8-11 сыйныф укучылары арасында информатиканың нигез курсы буенча оештырылган  район олимпиадасында 10 сыйныф укучысы Гумерова Г. икенче нәтиҗә күрсәтеп призер булды. Аны уңышы белән чын күңелебездән котлыйбыз. Алга таба да зур уңышлар телибез!

 Безнең мәктәбебездә киләсе атнадан инглиз теле атналыгы үтәчәк. Укытучылар Мәҗитова Рәмзия Гәбдрәүфовна һәм Әмирова Гөлүсә Рифхатовна атналыкны кызыклы һәм мавыктыргыч итеп оештыра. Атналык барышында  күңелле  чаралар үткәрү күздә тотыла. Ачык дәресләр, рәсем һәм дәфтәрләргә конкурс, КВН, театральләштергән күренешләр, “Йолдыз сәгате”бәйгесе укучыларда инглиз телен өйрәнүгә кызыксыну, омтылыш, эзләнүгә теләк уяту кебек максатларны камилләштерүне үз эченә ала. Укучылар атналык барышында актив булырлар, бәйгеләрдә теләп катнашып үзләренең белемнәрен тагын да  арттырырлар дигән теләктә калабыз.

5 нче декабрьдә инвалидлар декадасы уңаеннан  мәктәбебездә  шушы көнгә багышланган “Шахмат  уйнау серләре” дигән бәйге уздырылды.  Бу  бәйгедә балалар бик теләп катнашты.  Җиңүчеләргә грамоталар һәм истәлекле буләкләр бирелде. 

Музейда яңа фотография. Юлбат авылы башлангыч мәктәбенең иске (1974 елга кадәрге) бинасы.  Фоторәсемдә укытучылар: сулдан уңга: Шляпина Сәлимә, Шафига апа, Ракова Саҗидә.

3 декабрь  көнне мәктәбебездә районыбызның ЮХИДИ нең пропаганда-агитация бүлеге өлкән хезмәткәре капитан Насибуллин Илнур Дамирович һәм юл хәрәкәте иминлеге фондының Кукмара филиалы директоры Елена Владимировна булып киттеләр. Алар укучыларны шушы елның 11 аенда юллардагы хәвеф-хәтәрләрнең статистик мәгълүматы белән таныштырдылар.

   Балалар катнашындагы  юл-транспорт вакыйгаларын һәм аларның килеп чыгу сәбәпләрен сөйләп, аңлаттылар. Укучыларның юл йөрү кагыйдәләрен ни дәрәҗәдә белүләрен тикшерделәр. Кагыйдәләрне яхшы белүчеләргә, тапкырларга үзләре алып килгән кызыксындыру бүләкләрен тапшырдылар.

Укучыларның физик әзерлеген һәм хәрәкәт активлыгын күтәрү , физик культура һәм спорт шөгыльләренә тарту максатында, Татарстан республикасы укучыларының I мәктәп Спартакиадасы кысаларында, 30 ноябрь көнне районыбызда 1999-2001нче елгы укучылар арасында волейбол уеннарының зона этабы булып узды. Безнең мәктәп укучылары сәләтле балалар белән эшләү мәктәбендә  6 команда арасында көч сынашты. Команда 2 нче призлы урынга лаек булды һәм финалга үтте. Укучыларыбызны җиңүләре белән котлыйбыз һәм алдагы уеннарында уңышлар телибез.