КФУ тарафыннан һәр елны үткәрелә торган интернет олимпиадаларның  I  туры тәмамланды. Шул уңайдан күп кенә укучыларыбыз  II турга катнашу хокукына ия  булдылар. Алар: 9 класстан  Кәримова Г. (биология, математика, физика); 10 класстан Шакирҗанова Л., Рәхимуллина Р (татар теле), Гомәрова  Г. (геология, физика); 11 класстан Фәләхова Ф. (математика, география, геология, рус әдәбияты).  Укучыларны уңышлары белән чын күңелдән котлыйбыз!

13 нчы январьдан 18 нче январьга кадәр  мәктәбебездә инглиз теле  атналыгы булып үтте. Атналык укучылар өчен кызыклы  һәм эчтәлекле  итеп үткәрелде. 5-6 классларда  КВН, 9-11 классларда «Страноведческая викторина», 3 классларда  ачык дәрес, 1- 4 классларда төрле  чаралар һәм 18 нче январь көнне 5 класста Мазитова Р.Г. «Шәхес һәм аның характеры» дигән темага ачык дәрес үткәрде.

 Мәктәптә гыйнвар айлыгы “Мин һәм минем мәктәбем” исеме астында үтә. Шул уңайдан IX сыйныфларда  “Мәктәпнең 80 еллык тарихы” дигән темага класс сәгате үткәрелде. Укучылар бу көнне,  мәктәп музеенда булып, туган мәктәпләренең 80 еллык тарихы белән таныштылар. Класс җитәкчесе Галимуллина Д.Г., мәктәпнең үткәне белән  бүгенгесен чагыштырып караганнан соң, укучыларга киләчәк мәктәбен ничек күзалдына китерүләрен сурәтләп, инша язарга тәкъдим итте.

3-9 гыйнвар көннәрендә мәктәбебезнең иң актив 3 укучысы: Рахимуллина Чулпан, Идрисова Алия, Галләмова Алсу  Биектауда урнашкан  “Костер” лагерында республика күләм уздырыла торган  “Галстуклы ил” лагерь - мәктәбендә ял итеп, төрле күнекмәләргә өйрәнеп, белемнәрен арттырып кайттылар.

Бүген мәктәптә инглиз теле атналыгы кысаларында 9-11сыйныфлар арасында “Син инглиз телендә сөйләшүче илләр турында нәрсә беләсең?” дигән викторина булды. Уен-дәреснең максаты страноведение буенча укучыларның белемнәрен тикшерү, аларның аң-белем дәрәҗәләрен камилләштерү , инглиз теле белән кызыксынуларын арттыру иде. Уен бик җанлы, кызыклы үтте.

    Бүген,14 гыйнвар көнне,мәктәбебезнең 4 – 11            сыйныф укучылары инглиз теленнән “Кышкы сессия”-“Олимпус” биремнәрен эшләделәр. Бу биремнәр булган белемнәрне сыный, көчләрне барлый.Шуңа күрә дә укучыларыбыз бу кызыклы, әмма шул ук вакытта катлаулы да булган  эшләрне теләп башкардылар.

Ә хәзер уңышларны көтик инде. 

13 нче гыйнвардан 18 енә кадәр мәктәп күләмендә инглиз теле атналыгы үтә. Атналык дәвамында рәсемнәргә, эшләнмәләргә конкурс, КВН, ачык дәресләр, әкиятләр кичәсе үткәрүне планлаштыра.

С целью привлечения общественного внимания к проблемам развития и совершенствования системы образования, формирования у населения активной жизненной позиции  и желания участвовать в общественной жизни района проводится районный конкурс «Если бы я был руководителем образовательной организации…». Все желающие могут участвовать в конкурсе с 10 января по 10 февраля 2014 года.

Мәктәпләрдә тулы көченә укулар башланып китте. Дәресләр ,түгәрәкләр расписанияләре кабат барланды. Өченче чиректән хореография түгәрәге эшли башлау балалар өчен куанычлы хәбәр булды. Әлеге чирек башка чирекләрдән озын булуы белән аерылып тора. Шунлыктан укучылардан аерым көч,тырышлык сорала. Барлык укытучыларга, укучыларга эшләрендә, укуларында уңышлар телибез!

9 январь көнне Юлбат урта гомумбелем бирү мәктәбендә 2 чирек нәтиҗәләре буенча "Шәхес тәрбияләүдә гаилә һәм мәктәп бердәмлеге"  темасына ата-аналар җыелышы үтте. Әмирова Г.Р. гомуми җыелышта ата-аналарга доклад укыды, мәктәп директоры ярдәмчеләре Фәтхриева Р.Х., Агелова Р.З. чирек нәтиҗәләре буенча эшләнгән эшләр буенча анализ ясадылар. Мәктәп директоры Нигъмәтҗанов Ф.Т. мәктәп укучыларының тәртип, уку мәсьәләләренә тукталды. Аннары сыйныфларда  ата-аналар белән сөйләшүләр оештырылды.