Мәктәптә Яңа елга әзерлек эшләре бара: сыйныф бүлмәләрен бизәү, стенгазета чыгару, мәктәп янына сыннар ясау, бәйрәмгә концерт номерлары әзерләү һ.б. Тиздән көтеп алган Чыршы бәйрәмнәре җитә. Яңа еллар тынычлык, иминлек алып килсен. Күкләребез һаман шулай аяз булсын, илебез тыныч булсын. Ат елы безгә гел яхшы хәбәрләр генә китерсен!

21 декабрь көнне мәктәбебезнең көрәш командасы Саба спорт комплексында үткәрелгән көрәш ярышында катнаштылар. Призлы урыннарга лаек булмасалар да, алар көрәш алымнарын яхшы үзләштерүләрен күрсәттеләр. Спортчыларыбызга киләчәктә яңа бәйгеләрдә уңышлар елмаюын телибез!

20 декабрь көнне мәктәбебезнең хоккей командасы Лесхоз боз сараенда 1999-2001 нче елгы укучылар арасында үткән хоккей ярышының зона этабында катнаштылар. Алар алты команда арасында дүртенче урынга лаек булдылар.

Халыкара  Интернет – проект  “Мосты дружбы” конкурсында актив катнашып бик күп  укучыларыбыз   “Рәхмәт хаты” һәм сертификатларга  ия булдылар. Катнашкан укучыларны уңышлары белән котлыйбыз.

8 нче сыйныф укучысы  Ганиев Ришат  технологиядән  -  3 нче урын ,  10 нчы сыйны ф укучысы Шакирзянова Ләйлә  татар  теленнән -   2 нче  урын,  11 нче сыйныф  укучысы Фәләхова Фәридә татар  әдәбиятыннан  - 2 нче урын  алдылар. Бу  укучыларны  һәм  аларны әзерләгән укытучыларны уңышлары белән котлыйбыз.

Мәктәп күләмендә "Посмотри в глаза ребенка" акциясе узды. Бу акция нигезендә "Я и моё будущее", "Сам себе друг или враг", "О вреде курения и алкоголя" , "Путь к успеху" программасы буенча класс сәгатьләре, әти-әниләр белән түгәрәк өстәлләр оештырылды. Эшчәнлек буенча отчет тапшырылды.

6 нчы сыйныфтан Гайфуллина  Альбина  математикадан фән  олимпиадасында   призлы урынга  лаек  булды. Альбинаны һәм укытучысы   Шакирҗанова Ф. Г.ны  уңышлары  белән  котлыйбыз.

6 сыйныф  укучысы  Кашипов Дилүс  Инвалидлар  декадасы   уңаеннан  үткәрелгән  шашка  ярышында III урынга  лаек  булды һәм грамота,  истәлекле  бүләк  белән  бүләкләнде.  Дилүсне һәм укытучысы  Каримова Р.Р.ны   уңышлары  белән  котлыйбыз.

14 декабрь  көнне, 8 нче сыйныф укучылары  on-line  режимында  математика, история, биология, физика, информатика, рус әдәбияты, рус һәм инглиз телләреннән фәннәрне үзләштерүне өйрәнү максатыннан тест биремнәрен эшләделәр.

Мәктәбебездә инвалидлар декадасы уңаеннан Хәйрия акциясе узды. Анда мәктәп укучылары һәм укытучылары белән беррәттән Юлбат авылында яшәүче авылдашлар да актив катнашты. 11 нче декабрь көнне бертөркем укучылар Фәрит Мәҗитович һәм Гөлсинә Раяновна җитәкчелегендә Утар балалар йортына бардылар. Алар анда тәрбияләнүче балаларга күчтәнәчләр алып бардылар.