Сентябрь, октябрь айларында укучыларның бөтенроссия олимпиадасының мәктәп турлары бара. Укучылар, бар тырышлыкларын куеп,үзләре яраткан фәннәрдән көчләрен сыныйлар. Бүген информатика фәне буенча бәйге үтте. Укучыларга алда үтәчәк район һәм республика турларында да уңышлар телибез.

Укучыларыбыз  Гайфуллина А., Фатхриева А., Мубаракзянов А., Хасанов И, Хафизов Х. торган команда 9 октябрь көнне шахмат ярышларында 20 мәктәп арасында 3 нче урынны яулап кайттылар. Аларны җиңүләре белән котлыйбыз!. Шашка ярышларында да җиңүләр телибез.

Мәктәбебезнең бертөркем укучылары физкультура укытучысы Гатиятов Р.Р. җитәкчелегендә район күләмендә үткәрелүче шахмат  ярышында катнашырга киттеләр. Аларга уңышлар телибез.

Кичә район мәдәният йортында укытучылар көненә карата зур бәйрәм-тантана узды. Мәктәпләребезнең уңышлары бәйрәм барышында уңай бәяләнде. Соңыннан Г. Тукай исемендәге татар дәүләт драма һәм комедия театры “Яшел эшләпә” исемле комедиясен бүләк итте.

Хөрмәтле укытучылар! Сезнең барыгызны да чын күңелебездән бүгенге һөнәри бәйрәмегез белән тәбрик итәбез. Сезгә киләчәк тормышыгызда саулык-сәламәтлек, гаиләләрегезгә тынычлык, иминлек, бәхет, авыр хезмәтегездә уңышлар теләп калабыз. Сабыр канатларыгыз беркайчан да сынмасын, мәктәпләрегездә шат балалар тавышы тынмасын. Бәйрәмегез котлы булсын!

Беренче октябрь – Өлкәннәр көне уңаеннан, ветеран укытучылар белән очрашу үткәрелде. Килгән кунакларыбыз өчен, кучыларыбыз тарафыннан бәйрәм концерты оештырылды.

1 октябрь -  Өлкәннәр көне. Шул уңайдан 4 сыйныф укучылары укытучылары Гомәрова Рузия Тимершәеховна җитәкчелегендә өлкәннәребезгә котлау открыткалары ясадылар. 

Укучыларда сәламәт яшәү рәвеше тәрбияләү максатыннан, мәктәбебездә һәркөнне иртәнге гимнастика үткәрү гомумгадәткә әверелде. Гәүдәнең дөрес формалашуы, аяк-кул хәрәкәтләре өчен булган күнегүләрнең җиренә җиткереп башкарылуына физик тәрбия укытучылары аеруча игътибар итә, ә сыйныф җитәкчеләре һәр укучының билгеләнгән сәгатьтә  тиешле форма белән гимнастикада катнашуына җаваплы.