27 гыйнвар Ленинград Блокадасы өзелүгә 72 ел тула. Шушы  тарихи дата уңаеннан мәктәбебездә сыйныф сәгатьләре, төрле кичәләр үткәрелә. Бүген исә, башлангыч сыйныфларда “Ленинград Блокадасы” дип аталган сбор үткәрелде. Педагог-оештыручы Мансурова Э.В.  укучыларга әлеге  вакыйга хакында  чыгыш  ясады. Вакыйгаларны тагын да тирәнтен өйрәнү өчен китаплар күргәзмәсе, игътибарлыкка уеннар  ярдәмгә килде. Сбор күңелләрне тетерәндергән видеоязма  карау белән тәмамланды.  

Мәктәпләрдә  укучыларның белемнәрен тикшерү максатыннан муниципаль контроль эшләр үткәрү дәвам итә. 19 январь көнне әлеге сынау башлангыч сыйныфларда рус теле фәненнән үткәрелде: укучылар грамматик биремле диктантлар яздылар.

16 январь кәнне Саба гимназиясе базасында физика һәм химия укытучылары мәгариф бүлеге оештырган БДИ һәм ТДИгә әзерлек мәсьәләрә буенча укуларда катнаштылар.

Мәктәптә хоккей мәйданчыгында ирекле шуу һәм уеннар башланып китте. Укытучылар һәм укучылар дәресләрдән соң мәйданчыкны чистарту белән шөгыльләнәләр.

Татар шагыйрәсе Клара Булатованың тууына 80 ел тулуга багышланган “Дулкыннар” Республика бәйгесенең район этабына әзерлек эшләре бара. Укучылар нәфис сүз, конферанс, вокал, рәсем номинацияләре  буенча катнашырга әзерләнәләр.

7 нче, 9 нчы гыйнвар көннәрендә тугызынчы сыйныф укучылары ОГЭ буенча үзләре сайлаган химия, биология, физика, география фәннәре буенча сынап карау имтиханнары тапшыруда катнаштылар.

6 нчы январь көнне 1 нче, 2 нче сыйныф укучылары сыйныф җитәкчеләре Фатхриева Р.Х., Низамиева Ф.Ф. белән берлектә “Боз сарае”на бардылар.  Укучылар “Боз сарае”ннан күтәренке күңел белән кайттылар.

Сезне барыгызны да Яңа 2016 ел бәйрәме белән котлыйбыз! Яңа еллар Сезгә бәхет-шатлык, сәламәтлек, эшегездә һәм укуыгызда зур уңышлар алып килсен. Яңа еллар мөбарәк булсын!

27 декабрь көнне 1-6 сыйныф укучылары өчен Яңа ел бәйрәме оештырылды. Укучылар үзләренең матур һәнәрләрен күрсәттеләр, чыршы тирәсендә әйлән-бәйлән уеннары уйнадылар. Бәйрәм бик матур узды.