27 октябрь көнне, мәктәбебезнең 7 сыйныф укучылары,  Рахимуллин Тәбрис  һәм Хәсәнов Илшат, Иннополис университеты базасында оештырылган робототехника буенча олимпиада биремнәрен эшләү өчен,  республика профиль сменасына киттеләр. Алар анда 5 көн дәвамында ярышларда катнашалар, роботехника буенча белемнәрен ныгыталар.

2015 елның 27 октябре Интернет куркынычсызлыгы көне буларак билгеләнеп үтте. Шуның уңаеннан мәктәбебездә 5-9 нчы сыйныф һәм 1-4 сыйныф укучылары өчен класс сәгатьләре оештырылды. Шулай ук укучылар Интернет-квест уены, конкурслар  белән таныштырылды.

26 октябрь - Халыкара мәктәп китапханәләре көне. Шул уңайдан 1 сыйныф укучылары  сыйныф җитәкчеләре белән берлектә мәктәбебез   китапханәсенә экскурсия оештырдылар. Китапханәче Энҗе Вазиховна нәни дусларын  китап куллану кагыйдәләре, балалар өчен иҗат ителгән кызыклы китаплар, журналлар белән таныштырды. Әлеге очрашу  балалар өчен  файдалы да кызыклы да  булды. 

Бүген,24.10.15 көнне, мәктәбебездә 5-9 сыйныфлар өчен “Уңыш бәйрәме “  кичәсе булды. Һәр сыйныф бәйрәмгә ныклы хәзерлек белән килгән иде. 5нче сыйныф укучылары  бәйрәмне бик матур алып барсалар,калган сыйныфлардан булган концерт номерлары барыбызның да күңелләренә хуш килде.

22 октябрь көнне башлангыч сыйныф укучылары арсында «Күңелле стартлар “уеннары үткәрелде.
Чарада барлык башлангыч сыйныф укучылары да катнашты. Физкультура укытучысы Гатиятов Р.Р. алып барды. Укучыларга бик ошады.

Бүген мәктәбебездә 1 нче сыйныф укучылары һәм аларның әти-әниләре катнашында җыелыш үткәрелде.Сыйныф җитәкчеләре Рәйхана Ханафияовна белән берлектә Татарстан турында презентация караганнан соң, һәрбер укучыга “Укучының мәдәни көндәлеге” тапшырылды.

  17 октябрь көнне Мәгариф хезмәткәрләре җәйге спартакиадасының  финал этабы  Мамадыш шәһәрендә үтте. Уңышлар куанычлы. Саба районы укытучылары командасы гомуми зачетта республика күләмендә II   урын яулады. Шушы команда составында катнашып,  җиңел атлетика эстафетасында I урын яулаган  хезмәттәшебез Дәүләтшин Нияз Илгиз улын чираттагы зур уңышы белән котлыйбыз!

Бүген мәктәбебездз    балигъ булмаган балалар  белән  эшләүче  инспектор  Сибагатов  Айгиз Анасович белән очрашу булды.Ул үзенең  чыгышыда укучыларга  хокук бозулардан  сак булырга  кирәклеген  аңлатты.Кичке   уннан соң 18 яше тулмаган  балаларга  әти–әниләреннән башка урамда йөрергә  ярамавы турында тагын бер кат исләренә төшерде. Һәм  укучыларның  һәркайсында   яктырткыч  браслетларның  булырга  тиешлеген , юл йөрү кагыйдәләрен төгәл үтәргә кирәклеге турында аңлатып узды.

Бүген мәктәбебездә “Дөньяда иң зур дәрес”  темасына сыйныф сәгате узды. Аны 7 нче сыйныф җитәкчесе Рәмзия Габдрәүфовна әзерләде. Сыйныф сәгатендә 5-9 сыйныф укучылары да катнашты. Мультфильм, презентацияләр  ярдәмендә сыйныф җитәкчесе физик кимчелекләре булган кешеләрнең үз өстендә эшләүләре нәтиҗәсендә зур дәрәҗәләргә ирешүләре, авырлыклар алдында куркып калмаулары турында сөйләде. Аларга карата ихтирамлы, игътибарлы булырга кирәклеген җиткерде.