10 сентябрь көнне VIII  һәм IX  сыйныф укучылары “Көзге игелек атналыгы” акциясендә катнашып китапханәгә ярдәм оештырдылар. Китапханә  фондын барларга,   китаплар тәртипләргә булыштылыр.

Бүген, 11 сентябрь көнне,мәктәбебездә “Праздник трезвости” акциясе кысасында “Переборим алкоголь” дигән видео-дәрес үтте. Дәрес барышында укучыларга алькоголизмның кеше тормышына ни дәрәҗәдә зарарлы булуы, сәламәт яшәү рәвеше алып барырга кирәклеге җиткерелде.

Мәктәбебез укытучылары, 15 нче сентябрь  көнне үтәчәк, Укытучылар спартакиадасының район  этабына әзерләнәләр! Аларга уңышлар теләп калабыз! 

«Яшә, чишмә!» акциясе кысаларында бүген, 5 нче сыйныф укучылары авылыбыз чишмәләренә экскурсия ясадылар.Чишмәләрнең тирә-юнен чүпләрдән арындырдылар. Ә сыйныф сәгатьләрендә бу чишмәләрнең тарихын өйрәнделәр.

Мәктәбебездә эшләп килүче  робототехника түрәге узган уку елында   югары нәтиҗәләргә иреште. Бу  уку елында да Нияз Илгизович үзенең эшчәнлеген башлап җибәрде.Үзенә яңа группа туплады. Аларга уңышлар телик.

3 сентябрь көнне мәктәп күләмендә ата-аналар җыелышы булып узды. Анда яңа уку елына кагылышлы үзгәрешләр турында әйтелде, алда торган бурычлар белән таныштырылды. Соңыннан җыелыш классларда дәвам итте.

1 сентябрь-Белем бәйрәме. 1 сентябрьдә Юлбат төп мәктәбе 57 укучыны кабул итеп алды. 9 укучы тәүге тапкыр белем иленә аяк басты. Мәктәптә бәйрәм иртәсе тантаналы төстә башланып, сценарий нигезендә алып барылды.Бәйрәм авылыбыз имамы  хәер-фатыйхасы белән башланып китте. Авыл җирлеге башлыгы Шамсиев Т.Р. беренчеләрне, "Юлбат" СХП җитәкчесе Хисамиев Ф.Ф. җәйге чорда тырышып эшләгән укучыларны бүләкләде. Татэнергосбыт Саба бүлеге җитәкчесе Рафил Хакимҗанович һәм мәгариф бүлегеннән Айзилә Илгизәровна мәктәп коллективына, укучыларга үзләренең матур теләкләрен җиткереп, 1 класс укучыларына бүләкләр өләштеләр. 

Үз мәктәбеңә булыш! акциясендә катнашырга чакырабыз.

Җәйге каникулның соңгы аенда да мәктәп яны тәҗрибә участогында эшләү дәвам итә. Булган уңышны җыю, җирне эшкәртү белән шөгыльләнәләр.