Бүген мәктәбебездз    балигъ булмаган балалар  белән  эшләүче  инспектор  Сибагатов  Айгиз Анасович белән очрашу булды.Ул үзенең  чыгышыда укучыларга  хокук бозулардан  сак булырга  кирәклеген  аңлатты.Кичке   уннан соң 18 яше тулмаган  балаларга  әти–әниләреннән башка урамда йөрергә  ярамавы турында тагын бер кат исләренә төшерде. Һәм  укучыларның  һәркайсында   яктырткыч  браслетларның  булырга  тиешлеген , юл йөрү кагыйдәләрен төгәл үтәргә кирәклеге турында аңлатып узды.

Бүген мәктәбебездә “Дөньяда иң зур дәрес”  темасына сыйныф сәгате узды. Аны 7 нче сыйныф җитәкчесе Рәмзия Габдрәүфовна әзерләде. Сыйныф сәгатендә 5-9 сыйныф укучылары да катнашты. Мультфильм, презентацияләр  ярдәмендә сыйныф җитәкчесе физик кимчелекләре булган кешеләрнең үз өстендә эшләүләре нәтиҗәсендә зур дәрәҗәләргә ирешүләре, авырлыклар алдында куркып калмаулары турында сөйләде. Аларга карата ихтирамлы, игътибарлы булырга кирәклеген җиткерде.

Мәктәбебездә "Уңыш бәйрәме"нә әзерлек бара. Шул уңайдан башлангыч сыйныф укучылары тарафыннан көзге муллыктан күргәзмә оештырылды.

Бүген мәктәбебездә 15 октябрь Хәтер көненә карата чара узды, китаплар күргәзмәсе куелды. Анда 1552 елның октябрендә Явыз Иван гаскәрләре белән сугышып, Казан ханлыгы өчен шәһит киткәннәр искә алынды.     Хәтеребез  яңартыды.

Укучыларда китап укуга теләк уяту, китапка мәхәббәт тәрбияләү, сакчыллыкка өйрәтү, сөйләм телләрен үстерү, фикерләү сәләтен үстерү максатыннан, бүген 5,6 сыйныф укучылары  катнашында  “Китап төзелеше “ дип исемләнгән китапханә дәресе булып узды. Укучылар актив катнашып үзләренә күп мәгълүмат алдылар. 

Сентябрь, октябрь айларында укучыларның бөтенроссия олимпиадасының мәктәп турлары бара. Укучылар, бар тырышлыкларын куеп,үзләре яраткан фәннәрдән көчләрен сыныйлар. Бүген информатика фәне буенча бәйге үтте. Укучыларга алда үтәчәк район һәм республика турларында да уңышлар телибез.

Укучыларыбыз  Гайфуллина А., Фатхриева А., Мубаракзянов А., Хасанов И, Хафизов Х. торган команда 9 октябрь көнне шахмат ярышларында 20 мәктәп арасында 3 нче урынны яулап кайттылар. Аларны җиңүләре белән котлыйбыз!. Шашка ярышларында да җиңүләр телибез.

Мәктәбебезнең бертөркем укучылары физкультура укытучысы Гатиятов Р.Р. җитәкчелегендә район күләмендә үткәрелүче шахмат  ярышында катнашырга киттеләр. Аларга уңышлар телибез.

Кичә район мәдәният йортында укытучылар көненә карата зур бәйрәм-тантана узды. Мәктәпләребезнең уңышлары бәйрәм барышында уңай бәяләнде. Соңыннан Г. Тукай исемендәге татар дәүләт драма һәм комедия театры “Яшел эшләпә” исемле комедиясен бүләк итте.