11май көнне кичке вакытта мәктәп коллективы, әти-әниләр һәм укучылар катнашында мәктәп бакчасында  өмә үткәрелде. “Күмәк көч тау күчерә,”ди халык. Чыннан да,  шактый җир китмәнләп тырмаланды. Суган утырту өчен, җир әзерләнде һәм утырту эше башланды. Аз гына вакыт аралыгында зур эш башкарылды. Мәктәп җитәкчелеге әлеге өмәдә катнашкан һәммә кешегә зур рәхмәтен белдерә. 

    “Баш иябез Бөек елларга” - “Поклонимся великим тем годам...” исемле  Хәтер альбомының  беренче бүлеге тәмамланды. Альбомда тыл ветераннары турында мәгълүмат тупланды. Икенче бүлеге “Сугыш чоры балалары” турында материал җыйнау эше башланып китте. Хәтер альбомы белән  мәктәп сайтыннан  “71 лет Победе в ВОВ и альбом тружениках тыла” блогы аша укып таныша аласыз. Әлеге зур хезмәтне мәктәп коллективы башкарды. 

8 май көнне Юлбат авылында Бөек Җиңүнең 71 еллыгына багышланган тантаналы митинг булды. Быелгы митингта  укучыларның  “Үлемсез полк” акциясендә тагын да активрак катнашуы күзәтелде. Димәк, сугыш һәм тыл ветераннарының батырлыгы онытылмый, ХӘТЕР яши!

    “Җиңү волонтеры” проекты  кысаларында, укучыларыбыз,  ветераннарыбызга,  9 май ҖИҢҮ бәйрәменә котлау открыткалары, чакыру кәгазьләре һәм үз куллары белән ясаган чәчәкләрне бүләк иттеләр, хәлләрен белделәр.

Сезне барыгызны да 1 май бәйрәме белән котлыйбыз! Эшегездә һәм тормышгызда зур уңышлар, исәнлек-саулык телибез!

Мәктәбебездә өмәләр дәвам итә. Бүген тәрбия хезмәтен пропагандалау һәм тирә-юнебезне чиста, матур итү максатыннан территориядә күмәк эш планлаштырылды. Бу эштә  укытучылар да, укучылар һәм мәктәп хезмәткәрләре дә актив катнашты.

28 нче апрельдә    балалар иҗатының  «Сәләтле балачак – өметле киләчәк” исеме астында үткән  XVI  район конкурс - фестиваленең  йомгаклау өлеше үтте. Анда безнең укучыларыбызның да  уңышлары  зур булды. Сәйфуллин Илсаф( 2 кл.), Валиев Илгизәр (5 кл.) “Вокал - соло” номинациясендә 3 урынга (җитәкчеләре: Аубакиров Ф.Г.), «Вокал ансамбль» номинациясендә курайчылар ансамбле (7 кл) 2 урынга (җитәкчеләре: Аубакиров Ф.Г.), “Модерн” бию төркеме (2-3 кл.) 3 урынга  (җитәкчеләре: Давлетшина А.Ф.) лаек булдылар. Укучыларыбызны уңышлары белән котлыйбыз.

29 апрель көнне 5 - 6 сыйныф укучылары белән берлектә М.Твенның “Том Сойер маҗаралары” әсәре буенча  әдәби квест үткәрелде. Укучылар 6 станция  буенча сәяхәт иттеләр. Нәтиҗәдә “Кыюлар” командасы җиңү яулады.

17 мая – Международный день Детского телефона доверия. В связи с этим по Республике Татарстан с 25 апреля по 17 мая проходит месячник Детского телефона доверия. И в нашей школе проводятся мероприятия, посвященные этой дате. С учащимися проводятся тематические уроки и классные часы, для них готовятся буклеты, информационные листовки о Международном «Телефоне доверия».