19 сентябрь көнне укучыларның бөтенроссия олимпиадаларының мәктәп турлары башланып китте. Иң беренче булып укучылар экономика фәненнән биремнәр эшләделәр. Бу бәйгеләрдә аларга үзләренең белемнәрен, сәләтләрен күрсәтергә бөтен мөмкинлекләр дә бар.  Аларга алга таба район һәм республика турларында да җиңүләр юлдаш булсын. 

        Балалар Думасы үсеп килүче яшь  буынга җәмгыять төзелешен аңларга, аның тормышында актив катнашырга, үзидарәчелек алымнары булдырырга ярдәм итә. Балалар Думасының максаты булып,  мәктәпнең  иҗтимагый тормышында катнашу мөмкинлеге тудыру, яңа буын идарәчеләре тәрбияләү тора. Шул максаттан,  18 сентябрь көнне мәктәп думасына спикер сайлавы булып үтте. Сайлауда 8,9 сыйныф укучылары - 15 бала катнашты. Сайлау оешкан төстә үтте. 

16 нчы сентябрь көнне   башлангыч сыйныф укучыларына “Укучының мәдәни көндәлеге “ тапшырылды.Әлеге көндәлекне  беренче сыйныф укучылары тантаналы төстә кабул иттеләр.Тантанада укучыларның әти – әниләре дә катнашты. Балалар Татарстаныбызның истәлекле урыннары хакында сөйләштеләр.Сөйләшү барышында күп урыннарның балалар өчен таныш булуы да ачыкланды. Ә алга таба, укучылар булган истәлекле урыннары хакында  мәгълүматны  мәдәни көндәлеккә язып барырга ышандырдылар.

Әйе, мавыктыргыч, тынгысыз дөнья ул - “Варислар иле”. Әгәр син әлеге илгә эләккәнсең  икән  димәк, тырышлыгың бушка китмәгән. Сине алда зур уңышлар, сынаулар көтә дигән сүз ул. Максаты булып - кешеләрдә әйләнә - тирә мохитка шәфкатълелек уяту, табигатьне саклау, туган ягыбызга мәхәббәт тәрбияләү,  ялыбызны күңелле оештыру тора. Шул уңайдан, бүген  5 сыйныфларны варислар сафына кабул иттек. Укучылар иптәшләре алдынды тантаналы вәгъдә биреп, лаеклы алмашчылар булдылар. Аларны чын күңелдән котлыйбыз. 

Тирә-ягыбыздагы ярдәмгә мохтаҗ  кешеләрне күрә белү, аларга кулыбыздан килгән кадәр булышу - безнең әхлакый бурычыбыз. Игелек кылу, изгелек эшләү кебек сыйфатларны кече яшьтән үк балаларның  күңеленә салу зарурдыр. Шул максаттан, Юлбат төп мәктәбе тимурчылар отряды   эшчәнлекләрен җанландырып җибәрде. 5, 8 сыйныф  активистлары өлкәннәр янында булып,  аларның хәлләрен белеп кайттылар. Өлкәннәребез тимурчылар килгәнгә сөенеп,  хәл белүләре өчен рәхмәтләрен белдерделәр.

18 сентябрь көнне узачак сайлауларда мәктәп  Думасына спикер сайлаулары да узачак. Шушы уңайдан бу көннәрдә мәктәбебездә кандидатлар теркәү бара.

#ДОБРЫЙТАТАРСТАН#КомандаТатарстана.      Бүген башлангыч сыйныф укучылары  өчен  отряд  вожатыйлары  «Күңелле тәнәфес» оештырды.  Укучылар  дуслык, татулык, игелеклелек турында кыскача гына  әңгәмәдән соң, татар халык уеннарының берсе булган  “Биш парлы” уены  уйнадылар. Балаларга бик ошады. Алга таба да дәвам итәргә дигән теләктә калдылар.  

5 нче сентябрьдән алып 19 нчы сентябрьгә кадәр “Көзге мәрхәмәтлелек атналыгы”акциясе дәвам итә. Шушы уңайдан сыйныфларда мәрхәмәтлелек темасына багышланган сыйныф сәгатьләре үткәрелде. Башлангыч, урта һәм югары сыйныфларда берләштерелгән сыйныф сәгатьләре презентацияләр белән үрелеп барды.

     Суның табигый байлык, изге җир икәнлеген балаларга төшендерү, чишмәләргә сак караш, мәхәббәт тәрбияләү, табигать матурлыгын  күрә , аңлый белергә өйрәтү безнең изге бурычыбыз. Шул максаттан 5 сыйныф укучылары технология укытучылары белән берлектә “Хәйби бабай” чишмәсенә шефлык оештырдылар. Аның тирә ягын чүпләрдән арындырдылар. Әйдәгез балалар, көмеш һәм саф сулы чишмәләребезгә ярдәм итик, чистартыйк, аларның җыры беркайчан да тынмасын иде.

       Өстәмә белем бирү педагогы Давлетшина А.Ф. “Көзге игелек атналыгы” кысаларында сәламәт яшәү рәвешен пропагандалап 3 сыйныф укучылары белән флешмоб биеделәр.