3 ноябрь көнне мәктәбебездә педагогик совет утырышы булды. 1 нче чирек нәтиҗәләре белән укыту эшләре буенча директор урынбасары Хасанова М.Р.таныштырды:   9   отличник,   45  ударник бар, өлгермәүче укучылар юк.  Чирек дәвамында үткәрелгән чаралар белән тәрбия эшләре буенча директор урынбасары Ахметшина Р.И. таныштырды.

   02.11.2011 көнне "Ел класс җитәкчесе - 2011" бәйгесенең район туры булып узды. Әлеге бәйгедә мәктәп туры җиңүчесе Дәүләтова Г.Г. катанашты. Бәйге күтәренке шартларда үтте.

  31.10.2011 көнне 5 класста Харисова Г.М. тарафыннан С.Т.Аксаковның тууына 220  ел тулу уңаеннан "Ал чәчәк" викторинасы булып узды. Викторинада укучылар дәрестә алган белемнәрен тирәнәйттеләр.

  29.10.2011 көнне дәресләрдән соң 2-11 нче сыйныфлар катнашында мәктәп янында җыештыру эшләре башкарылды. Укучылар тырышып эшләү нәтиҗәсендә, мәктәп яны ялт итеп калды ! Укучыларга рәхмәт !

  28 октябрь  көнне башлангыч сыйныф укучылары арасында “ Без яшәгән Җир” темасына интеллектуаь уен үткәрелде. Габдрахманова Ә.Н. әзерләгән әлеге уенда укучыларыбыз табигать турында булган белемнәрен сынадылар: кошлар, гөмбәләр, җәнлекләр турында кызыклы сорауларга җаваплар бирделәр, хәрефләрдән сүзләр төзеделәр һәм  халык сынамышларына нигезләнеп, табигатьне күзәтергә өйрәнделәр. Уен “Дуслык” командасының җиңүе белән тәмамланды.

24-29 октябрь кадәр мәктәптә башлангыч сыйныфлар атналыгы уза.

Максат: укучыларның әйләнә-тирә дөнья, әдәби уку, математика фәннәре буенча белемнәрен камилләштерү,

танып –белү активлыгын һәм иҗади сәләтләрен үстерү; туган телебезгә һәм табигатькә мәхәббәт тәрбияләү; эстетик һәм әхлак тәрбиясе бирү.