08.02.2012. Изге ният белән,табигать тарафыннан кимсетелгән балаларның күңелләрен күтәрү максатыннан,концерт номерлары әзерләп хореография түгәрәгенә йөрүче укучылар Утар балалар йортында булып кайттылар. Биредә тәрбияләнүче балалар аларның һәр номерын көчле алкышларга күмделәр. Биредәге балаларның бер-берсенә игътирамлы, мәрхәмәтле булуларына сокланып кайттылар. Алар безнең кабат килүне сорадылар, ә без, үз чиратыбызда, язга чыккач килергә ниятләдек.

7 нче февраль көнне хәрби- патриотик һәм спорт айлыгы кысаларында егетләр арасында баскетбол ярышы булып узды. Ярышта I рота егетләре җиңү яулады.

07.02.2012. Авылыбызда Бөек Ватан сугышында катнашкан ветераннарның саны көннән - көн кими.Бүгенгесе көндә бер генә ветераныбыз Галинур абый гына исән- сау яшәп ята. Мөхәмәтгалиева С.Л. бер төркем укучылар белән Галинур абый янында булып кайттылар. Балалар килгәнгә ул бик сөенде,сугыш елларын кабат искә төшерде һәм яшьли яраткан җырларын җырлап күрсәтте. Балалар ветеран янында сыйланып, чын кунак булып кайттылар. Галинур абыйга саулык- сәламәтлек, озын гомер телибез.

09.02.2012.Озынайтылган көн группасына йөрүче укучылар арасында кроссвордлар төзү конкурсы булып узды.Мәктәбебездән 4 нче сыйныф укучысы Габдрахманова Сөмбел әлеге конкурста катнашып, район буенча беренче урынга лаек булды. Рәхмәт сидңа, Сөмбел!

06.02.2012. 9 нчы сыйныф укучысы Давлетова Альмира (җитәкчесе Мухаметханова Г.М.) Иркутск өлкәсе Ангарск шәһәрендә уздырылган "Россия халыклары фольклоры"Бөтенроссия экологик конкурсында актив катнашкан өчен Сертификат һәм "Үз туган милли телендә язылган иң яхшы эш" номинациясендә җиңгән өчен Рәхмәт Хаты белән бүләкләнде.

  Уңышлар сиңа, Альмира !

05.02.2012. Рус теле буенча Регионара фән олимпиадасының Интернет - турында уңышлы нәтиҗәләргә ирешкән 10 нчы сыйныф укучысы Хасанова Руфия һәм 11 нче сыйныф укучысы Рәхимова Ләйсән (укытучылары Харисова Г.М.) Казан (Идел буе)Федераль Университетында 2нче турда катнаштылар. Уңышлар сезгә!

02.02.2012. Мәктәптә үткән хәйрия ярминкәсеннән кергән акчаның бер өлешенә, 30 балага уку кирәк-яраклары, күчтәнәчләр һәм концерт номерлары әзерләп "Хореография" түгәрәгенә йөрүчеләр белән "Тургай" балалар приютына бардык. Приютта тәрбияләнүчеләр балаларның концертын бик ошаттылар. Аеруча башлангыч сыйныф укучылары тарафыннан әзерләнгән "Шалкан" әкиятен яратып карадылар. Алар кабат безне чакырып калдылар.

Беренче февральдән мәктәптә хәрби патриотик тәрбия бирү айлыгы башланып китте. Айлык барышында укучылар арасында баскетбол,волейбол, чаңгы ярышы, бадминтон, пневматик мылтыктан ату, автомат сүтеп җыю,строй белән идарә итү, аҗаган кебек уеннар үткәреләчәк.

28.01.2012. "Алтын балык"  ачык республика конкурс - күргәзмәсенең район сайлап алу туры узды. Әлеге конкурста 4 нче сыйныф укучысы Билалов Артурның эше "Рәсем һәм живопись" номинациясендә 1 нче урынга лаек булды. Молодец,  Артур !